ច្បាស់​ហើយ! ឡៅ ចិត្រា ប៉ះ​ជើង​ខ្លាំង​ថៃ​ Superlek នៅ​ ONE ថ្ងៃទី១៦ កុម្ភៈ

  • 2019-01-16 09:45:49
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ជើង​ខ្លាំង​វ័យ​ក្មេង​កម្ពុជា ឡៅ ចិត្រា ត្រូវ​បាន​ផ្គូផុ្គង​ឲ្យ​ជួប​ជើង​ខ្លាំង​ថៃ Superlek Kiatmoo9 នៅ​សង្វៀន​ ONE Championship ទី​ក្រុង​បាងកក​ ប្រទេស​ថៃ​ ថ្ងៃ​ទី​១៦​ ខែ​កុម្ភៈ ឆ្នាំ​២០១៩​ខាង​មុខ​នេះ។ នេះ​បើ​តាម​សេចក្តី​ប្រកាស​​ផ្លូវ​ការ​របស់​ ONE ដែល​ចេញ​ផ្សាយ​ថ្ងៃ​នេះ។

ឡៅ ចិត្រា

ឡៅ ចិត្រា ទើប​ឈ្នះ​​ខ្សែ​ក្រវាត់​​មួយ​គ្រឿង​​កាល​ពី​ពេល​ថ្មី​ៗ​នៅ​សង្វៀន​បាយ័ន​តាម​រយៈ​ជ័យជម្នះ​ដោយ​ពិន្ទុ​លើ​កីឡាករ ចាន់ ប៊ុនហឿន និង​ធ្លាប់​ឈ្នះ​ជើង​ឯក​រង​នៅ​សង្វៀន​ដដែល​នេះ​ ក្រោយ​ចាញ់​ពិន្ទុ​ ផល សោភ័ណ្ឌ វគ្គ​ផ្តាច់​ព្រ័ត្រ។

សម្រាប់​សមិទ្ធផល​របស់​ Superlek Kiatmoo9 ​ គឺ​ធ្លាប់​ឈ្នះ​ខ្សែ​ក្រវាត់​ប្រដាល់​​សេរី​ពិភព​លោក​ WBC ឆ្នាំ​២០១៦, ឈ្នះ​ខ្សែ​ក្រវាត់​ថៃ​​ទម្ងន់​126Ibs ឆ្នាំ​២០១៣, ឈ្នះ​ខ្សែ​ក្រវាត់​ Lumpinee ២​ដង​ កីឡាករ​ឆ្នើម​ប្រចាំ​ឆ្នាំ​ Sport Authority of Thailand Muay Thai Figter of The Year ឆ្នាំ​២០១២​ និង​ខ្សែ​ក្រវាត់​ជា​ច្រើន​ទៀត ហើយ​បច្ចុប្បន្ន​ជាប់​ជា​កីឡាករ​លំដាប់​ទី​១​នៅ​ថៃ។

កីឡាករ​ថៃ Superlek Kiatmoo9 (thefightnation)

នៅ​សង្វៀន​ជា​មួយ​គ្នា​​នេះ​ កីឡា​ការិនី​កម្ពុជា នៅ ស្រីពៅ​ ត្រូវ​ទ​ទល់​នឹង​ម្ចាស់​ថៃ​ Ishige ​ក្នុង​លក្ខណៈ​គុន​ចម្រុះ។

ប្រវត្តិ​ប្រកួត​កីឡាករ​ថៃ Superlek Kiatmoo9

  • ប្រកួត​៖ ៣២៧​ដង
  • ឈ្នះ៖ ២៣២ដង
  • ចាញ់៖ ៩២​ដង
  • ស្មើ៖ ៣ដង

ប្រកួត​ប្រកួតកីឡាករ​កម្ពុជា ឡៅ ចិត្រា

  • ប្រកួត​៖ ៧០​ដង
  • ឈ្នះ៖ ៦៣​ដង
  • ចាញ់៖ ៥ដង
  • ស្មើ៖ ២ដង

អត្ថបទ៖ ជាន ចាន់រ៉ា