ទើបតែសម្ពោធហើយ ឥឡូវសៀវភៅរឿង «ព្រៃរំដួល» ជិតដាច់ស្តុកបាត់

  • 2019-01-21 05:02:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


សៀវភៅរឿង «ព្រៃរំដួល» ដែលជាស្នាដៃរឿងខ្លី និពន្ធដោយអ្នកនិពន្ធថ្មីៗ ពីក្រុម «មន្តទឹកខ្មៅ» ទើបតែសម្ពោធជាផ្លូវការនៅថ្ងៃសៅរ៍ ទី ១៩ ខែ មករា ឆ្នាំ ២០១៩ នេះ តែទទួលបានការគាំទ្រខ្លាំងរហូតលក់ជិតអស់មុនថ្ងៃសម្ពោធ។

លោក ឃុត សុឃឿន

តាមរយៈ លោក ឃុត សុឃឿន ប្រធានក្រុមអ្នកនិពន្ធ «មន្តទឹកខ្មៅ» សៀវភៅរឿង «ព្រៃរំដួល» ដែលជាស្នាដៃឆ្នាំទី ២ បន្ទាប់ពីសៀវភៅរឿង «មន្តទឹកខ្មៅ» ដែលមាន ២០ ចំណងជើងរឿងខ្លី បោះពុម្ព និងបានដាក់លក់មុនថ្ងៃដាក់សម្ពោធ។ សៀវភៅនេះ ក៏ទទួលបានការគាំទ្រជាច្រើនពីសំណាក់ប្រិយមិត្ត មិត្តអ្នកអាន លើសពីការរំពឹងទុក រហូតមានការកក់ទុកទិញជិតអស់ពីស្តុក ដែលមានតែចំនួន ១០០០ ក្បាល។

ការលក់ដាក់សៀវភៅថ្មីក្នុងពេលដ៏ខ្លីបែបនេះជារឿងមួយគួរឱ្យភ្ញាក់ផ្អើល។ នេះបើតាមការលើឡើងរបស់លោក ឃុត សុឃឿន។ ក្នុងពិធីសម្ភោធសៀវភៅរឿង «ព្រៃរំដួល» ផងដែរ លោក ឃុត សុឃឿន បញ្ជាក់ពីការចូលរួមគាំទ្រយ៉ាងខ្ពង់ខ្ពស់ពីឯកឧត្តម ព្រឿង ប្រណីត ប្រធានសមាគមអ្នកនិពន្ធខ្មែរ និង វាគ្មិនកិត្តិយសទាំងពីររូប មិត្តអ្នកនិពន្ធ មិត្តអ្នកអាន និង អ្នកចូលរួមជាច្រើនរូបទៀត កំពុងលើកកម្ពស់ស្មារតីតែងនិពន្ធថ្មីដើម្បីភាពរីកចម្រើរបស់សង្គមជាតិ។

គួរបញ្ជាក់ផងដែរថា សៀររភៅ «ព្រៃរំដួល» ជាការប្តូរឈ្នោះជាពិសេស ពី «មន្តទឹកខ្មៅ» ទៅជា សៀវភៅរឿង «ព្រៃរំដួល» វិញ ដើម្បីឧទ្ទិសស្នាដៃនេះជូនចំពោះម្ចាស់រឿង ព្រៃរំដួល គឺអ្នកនិពន្ធជើងចាស់ អ៊ុំ សុផានី ដែលបានលាកចាកលោកក្នុងឆ្នាំ ២០១៨ ដោយសារជំងឺចាស់ជរា៕

រូបភាពផ្តល់ដោយ៖ Chanbopha Reth

អត្ថបទ៖ Sunny