ក្លឹបប៉ូលិសត្រៀមបង្ហាញសមាជិកថ្មីដែលល្បីថា សុទ្ធតែល្អៗ

2019-01-24 02:54:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបអគ្គស្នងការដ្ឋាននគរបាលជាតិ (ប៉ូលិស) កំពុងត្រៀមធ្វើសន្និសីទកាសែតបង្ហាញសមាជិកថ្មីចំនួន ៥ រូបរបស់ខ្លួន ដែលល្បីថា សុទ្ធតែខ្លាំងៗ។

លោក សារ៉េត ស៊ីដន

បើតាមលោក សារ៉េត ស៊ីដន គ្រូជំនួយរបស់ប៉ូលិសបង្ហើបប្រាប់ Sabay ថា ក្លឹបរបស់លោកកំពុងត្រៀមបង្ហាញសមាជិកថ្មីនៅដើមខែក្រោយនេះហើយ។ ទាក់ទងរឿងសមាសភាពកីឡាករលោកមិនទាន់បង្ហើបប្រាប់ទេ ប៉ុន្តែលោកថា ធ្លាប់លេងនៅលីគកំពូលកម្ពុជាកន្លងមក ហើយសុទ្ធតែជាកីឡាករល្អ និងល្បីៗ។

សម្រាប់កីឡាករថ្មីៗនោះដែរក្លឹបរបស់លោកបានចុះកុងត្រារួចរាល់ចំនួន ៤ រូបហើយ ខណៈអ្នកទី៥អាចមានការប្រែប្រួល។ ប៉ូលិសជាក្លឹបខ្លាំងមួយកាលពីរដូវកាលមុន ដោយឡើងដល់វគ្គផ្ដាច់ព្រ័ត្រពាន Hun Sen Cup ហើយចាញ់ក្រុមក្រសួងការពារជាតិ ៣-០។ ចំណែកលីគកំពូលកម្ពុជារដូវកាលមុនបញ្ចប់ត្រឹមចំណាត់ថ្នាក់លេខ ៩ ៕

អត្ថបទ៖ ស្រី សុវណ្ណដារ៉ា