ជើង​ខ្លាំង​២​គឺ​ Chelsea និង​ Tottenham Hotspur ត្រូវ​ប្រជែង​គ្នា​ដើម្បី​ដណ្ដើម​កៅអី​វគ្គ​ផ្ដាច់ព្រ័ត្រ​ League Cup ដែល​មាន​ Manchester City កំពុង​រង់ចាំ​នៅ​ទីនោះ។​

កាល​ពី​ជើង​ទី​មួយ​ក្រុម​រហស្សនាម​ថា​មាន់​ខ្នាយ​មាស​បាន​យក​ឈ្នះ​ Chelsea ១​ទល់​នឹង​០​នៅ​ទឹកដី​ Wembley តែ​សម្រាប់​យប់​នេះ​ Spurs នឹង​ត្រូវ​ធ្វើ​ការ​ធ្ងន់​នៅ​ក្រៅ​ទឹកដី​ ណាមួយ​ពួកគេ​អ​វត្តមាន​កម្លាំង​សំខាន់​៣​នាក់​មាន​ Harry Kane និង​ Dele Alli មាន​បញ្ហា​របួស​ហើយ​ Son Heung-min កំពុង​ជាប់​កាតព្វកិច្ច​លេង​ឲ្យ​កូរ៉េ​ខាង​ត្បូង​នៅ Asian Cup។

Man​ City វិញ​បាន​យក​ឈ្នះ​ Burton ត្រឹម​១​ទល់​នឹង​០​ប៉ុណ្ណោះ​បន្ទាប់​ពី​ជើងមុន​ក្រុម​ជើង​ឯក​ចាស់​ League Cup មួយ​នេះ​​បាន​បំបាក់​គូ​ប្រជែង​លើសលប់​រហូត​ដល់​ ១០​ទល់​នឹង​០ រួច​ទៅ​ហើយ​។​ Agüero គឺ​ជា​អ្នក​រក​គ្រាប់​បញ្ជូន​ទី​ឲ្យ​ City នៅ​នាទី​២៦នៅ​យប់​មិញ៕

អត្ថបទ៖ វីរ័ត្ន