Tiger Street Football Festival 2019 ជាមួយការប្រគំតន្ត្រីដ៏អស្ចារ្យទៅដល់បាត់ដំបងហើយ

2019-01-24 04:21:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបាល់ទាត់ Tiger Street Football Festival 2019 និងការប្រគំតន្ត្រីដ៏អស្ចារ្យរបស់ស្រាបៀរ Tiger ដែលសម្ដែងដោយកំពូលតារាចម្រៀងល្បីៗក្នុងព្រះរាជាណាចក្រកម្ពុជា បានរំកិលទៅដល់ទឹកដីខេត្តបាត់ដំបងហើយ ដែលគ្រោងចាប់ផ្ដើមថ្ងៃទី២៦-២៧ ខែមករា ឆ្នាំ២០១៩ នៅទីវាលបែកចានផ្សារភូពុយ។

សកម្មភាពប្រកួតនៅមណ្ឌលកំពង់ស្ពឺ

ព្រឹត្តិការណ៍ Tiger Street Football Festival 2019 សម្រាប់មណ្ឌលបាត់ដំបង នឹងធ្វើសន្និសីទកាសែតម៉ោង ២ ដល់ម៉ោង ៤ រសៀលថ្ងៃទី២៥ ខែមករា ឆ្នាំ២០១៩ នៅសណ្ឋាគារស្ទឹងសង្កែ ដែលមានការផ្សាយផ្ទាល់លើ Page ផ្លូវការរបស់ស្រាបៀរ Tiger ។

មណ្ឌលទី៤នេះដែរអាចមានក្រុមចូលរួមចំនួនយ៉ាងតិច ៩០ ដោយធ្វើការចម្រាញ់យក ៩ ក្រុមឡើងមកប្រកួតដំណាក់កាលផ្ដាច់ព្រ័ត្រនៅភ្នំពេញចន្លោះពីថ្ងៃទី១៦-១៧ ខែមីនា ឆ្នាំ២០១៩។ មណ្ឌលនេះក្រុមខេត្តបាត់ដំបង ពោធិ៍សាត់ កំពង់ឆ្នាំង ប៉ៃលិន បន្ទាយមានជ័យមានសិទ្ធិចុះឈ្មោះចូលរួមប្រកួតបាន។ កម្មវិធីប្រកួតនេះដែរមានការផ្សាយផ្ទាល់តាមរយៈ Page ផ្លូវការរបស់ស្រាបៀរ Tiger ។

សម្រាប់ការប្រគំតន្ត្រីវិញ មានចំនួនពីរយប់ ដែលយប់ថ្ងៃទី២៦មានការសម្ដែងដោយលោក ឆន សុវណ្ណារាជ, លោក ខេមរៈ សេរីមន្ត, កញ្ញា វី ឌីណែត, លោក នី រតនា និង កញ្ញា ប៉ាច គីមមួយ។ ចំណែកយប់ថ្ងៃទី២៧ ដែលមានការផ្សាយផ្ទាល់តាមរយៈទូរទស្សន៍រស្មី ហង្ស មាស គឺមានការសម្ដែងដោយលោក ព្រាប សុវត្តិ, កញ្ញា ឱក សុគន្ធកញ្ញា, កញ្ញា សួស វីហ្សា, លោក Zono និងលោក វង្ស ដារ៉ារតនា។

សកម្មភាពប្រគំតន្រ្តីនៅមណ្ឌលកំពង់ស្ពឺរបស់លោក ខេមរៈ សេរីមន្ត

ចំពោះប្រាក់រង្វាន់ប្រចាំមណ្ឌលបាត់ដំបង៖

១-ទទួលបាន ១៥០០ ដុល្លារអាមេរិក
២-ទទួលបាន ១០០០ ដុល្លារអាមេរិក
៣-ទទួលបាន ៥០០ ដុល្លារអាមេរិក
៤-ទទួលបាន ២០០ ដុល្លារអាមេរិក

ក្រុមជយលាភីទូទាំងប្រទេស៖

ក្រុមលេខ១៖ ១ ៥០០០ ដុល្លារអាមេរិក
ក្រុមលេខ២៖ ៥ ០០០ ដុល្លារអាមេរិក
ក្រុមលេខ៣៖ ២ ៥០០ ដុល្លារអាមេរិក
ក្រុមលេខ៤៖ ១ ០០០ ដុល្លារអាមេរិក

មណ្ឌលបន្ទាប់ពីបញ្ចប់នៅបាត់ដំបងមាន៖

មណ្ឌល ក្រុងប៉ោយប៉ែត ៖ មណ្ឌលនេះក្រុមខេត្តក្រុងប៉ោយប៉ែត ប៉ៃលិន និងបន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២ ៣ ខែកុម្ភៈ។
មណ្ឌល ខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨ ៩ ១០ ខែកុម្ភៈ។
មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦ ១៧ ខែកុម្ភៈ។
មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣ ១៤ ១៥ ខែមីនា។
ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦ ១៧ ខែមីនា នៅរាជធានីភ្នំពេញ។