យន្តហោះដែល Sala ជិះជាប្រភេទយន្តហោះមានកំណត់ត្រាធ្លាក់ដល់ទៅ១៦០ដង

2019-01-24 07:34:02
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមការបញ្ជាក់ តាមពិតទៅយន្តហោះដែលខ្សែប្រយុទ្ធ Emiliano Sala ជិះទៅប្រទេសវែលជាម៉ូដែលដែលធ្លាប់មានបញ្ហាធ្លាក់ដល់ទៅ១៦០ដង។

កីឡាករតម្លៃខ្លួន១៥លានផោនវ័យ២៨ឆ្នាំត្រូវបានក្លឹប Cardiff City ស្នើរៀបចំការហោះហើរឲ្យ ប៉ុន្តែក្លឹប Nantes សម្រេចចិត្តរៀបចំខ្លួនឯងវិញ។ ប្រធានក្លឹប Cardiff លោក Mehmet Dalman បាននិយាយថា ពួកគេនៅតែបួងសួងដើម្បីបានឭព័ត៌មានល្អ បន្ទាប់ពីយន្តហោះរបស់ Sala បាត់ខ្លួនកាលពីយប់ថ្ងៃច័ន្ទ។

តាមការគ្រោង Sala ត្រូវចូលរួមជាមួយក្រុមថ្មីកាលនៅពេលព្រឹកថ្ងៃ២២ដើម្បីធ្វើការហ្វឹកហាត់ តែបែរជាជួបរឿងអាក្រក់ទៅវិញ។ យន្តហោះបាត់នៅតំបន់កោះ Channel Islands ហើយក្រុមអ្នករុករកមិនទាន់មានសញ្ញារកឃើញបំណែកយន្តហោះឬមនុស្សដែលនៅរស់នៅឡើយទេ។ Dalman បញ្ជាក់ថា យន្តហោះដែល Sala ជិះជាប្រភេទឈ្មោះ Piper Malibu ដែលអ្នកជំនាញអះអាងថាធ្លាប់មានបញ្ហាជាច្រើនលើកមកហើយ។

អ្នកជំនាញអាកាសចរណ៍និងអតីតពីឡុតលោក Alastair Rosenschein និយាយថា Sala មិនគួរជិះយន្តហោះនោះទេ។ យន្តហោះ Piper Malibu ធ្លាប់មានបញ្ហាកំណត់ត្រាធ្លាក់ដល់១៦០ដង ហើយ៥៥ដងធ្ងន់ធ្ងរ៕