ចាប់អារម្មណ៍ទេ! ម្សិលមិញ ក្រោន មិត្តភាពឈ្នះ Buriram ៤-១

2019-01-25 04:39:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងការប្រកួតមិត្តភាពដកស្រង់បទពិសោធម្សិលមិញនេះ ក្រុមភ្នំពេញក្រោនរបស់កម្ពុជា បានយកឈ្នះក្រុម Buriram United ក្នុងលទ្ធផល ៤-១។

រូបថត៖ ភ្នំពេញក្រោន

៤គ្រាប់ដែលធ្វើបានសម្រេចកាលពីម្សិលមិញនេះ គឺរកបានដោយខ្សែប្រយុទ្ធប្រេស៊ីល Darlan Martins (២គ្រាប់) ខ្សែការពារប្រេស៊ីល Jhonata San'tanna ១គ្រាប់ និងខ្សែប្រយុទ្ធវ័យក្មេង យ៉ើ មូស្លីម ១គ្រាប់។ យ៉ាងណាមិញ ខាងក្រុម Buriram United លេងមិនសូវបានល្អនិងចាញ់ក្រុមភ្នំពេញក្រោនច្រើនគ្រាប់យ៉ាងនេះ គឺដោយសារតែពួកគេបានប្រើប្រាស់កីឡាករក្មេងៗច្រើនមែនទែនក្នុងការប្រកួតមិត្តភាពនេះ។

នេះជាការប្រកួតលើកទី៣ហើយសម្រាប់ក្រុមភ្នំពេញក្រោន ក្នុងការទៅបោះជំរុំហ្វឹកហាត់នាប្រទេសក្បែរខាងថៃនេះ។ ហើយវាក៏ជាការឈ្នះលើកទី២របស់ពួកគេផងដែរ ត្បិតអី២ប្រកួតកន្លងទៅចាញ់ក្រុម Nakhon Ratchasima ៤-០ ក្នុងពាន LEO Pre-season Cup និងឈ្នះក្រុម Army Regional 2 ក្នុងលទ្ធផល ៣-២។

ក្រុមភ្នំពេញក្រោន ក៏នៅមិនទាន់អស់ការប្រកួតមិត្តភាពនៅប្រទេសថៃដែរ ដោយពួកគេកំពុងធ្វើដំណើរទៅប្រកួតមិត្តភាពជាមួយក្រុមខ្លាំង Muangthong United ទៀតនៅថ្ងៃស្អែកនេះ នាកីឡដ្ឋាន SCG Stadium នៅវេលាម៉ោង៤:៣០នាទីល្ងាច៕

អត្ថបទ៖ មុន្នីរម្យ