Sisophon FC A ក្លាយជាជើងឯក Tiger Street Football Festival 2019 ប៉ោយប៉ែត

2019-02-03 12:18:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ Tiger Street Football Festival 2019 មណ្ឌលប៉ោយប៉ែតបានធ្លាក់ទៅលើក្រុម Sisophon FC A បន្ទាប់ពីប្រកួតគ្នាយ៉ាងស្វិតស្វាញយកឈ្នះទៅលើក្រុមBun Koy FC A ៣-២ នៅវគ្គផ្ដាច់ព្រ័ត្រការប្រកួតបានដំណើរការអស់រយៈពេល២ ថ្ងៃគឺថ្ងៃទី២ និងទី៣ ខែកុម្ភៈ ឆ្នាំ២០១៩ នៅក្រុងប៉ោយប៉ែត។

មណ្ឌលនេះមានក្រុមចូលរួមចំនួន ៦៨ ធ្វើការប្រកួតប្រជែងចម្រាញ់យក ៦ ក្រុម ឡើងទៅប្រកួតដំណាក់កាលផ្ដាច់ព្រ័ត្រនៅភ្នំពេញ។ មណ្ឌលនេះក្រុមខេត្តក្រុងប៉ោយប៉ែត ប៉ៃលិន និងបន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ការប្រកួតនេះ នឹងមានការផ្សាយផ្ទាល់តាមរយៈ Page ផ្លូវការរបស់ Tiger Beer ។

សម្រាប់ការប្រគំតន្ត្រីយប់នេះមានលោក ឆន សុវណ្ណារាជ កញ្ញា ឱក សុគន្ធកញ្ញា កញ្ញា ទេព បូព្រឹក្ស លោក ដួង វីរៈសិទ្ធ និងកញ្ញា រ៉េត ស៊ូហ្សាណា ។ ការប្រគំតន្ត្រីថ្ងៃទី៣ កុម្ភៈ នេះមានការផ្សាយផ្ទាល់តាមរយៈទូរទស្សន៍ រស្មី ហង្សមាស ផងដែរ។

លទ្ធផលសម្រាប់ការប្រកួតវគ្គផ្ដាច់ព្រ័ត្រ៖

ដណ្ដើមលេខ ១ ៖ Sisophon FC A ៣-២ Bun Koy FC A
ដណ្ដើមលេខ ៣ ៖ Poi Pet Empire ៤-២ Family FC B

ក្រុមឡើងទៅកាន់ដំណាក់កាលផ្ដាច់ព្រ័ត្រទាំង៦មាន៖

Sisophon FC A
Bun Koy FC A
Poi Pet Empire
Family FC B
Bun Koy Legends
Serey Sophon United C

ប្រាក់រង្វាន់មណ្ឌលក្រុងប៉ោយប៉ែតមាន៖

ក្រុមលេខ១៖ ១៥ ០០ ដុល្លារអាមេរិក
ក្រុមលេខ២៖ ១០០០ ដុល្លារអាមេរិក
ក្រុមលេខ៣៖ ៥០០ ដុល្លារអាមេរិក
ក្រុមលេខ៤៖ ២០០ ដុល្លារអាមេរិក

ក្រុមជយលាភីទូទាំងប្រទេស

ក្រុមលេខ១៖ ១ ៥០០០ ដុល្លារអាមេរិក
ក្រុមលេខ២៖ ៥ ០០០ ដុល្លារអាមេរិក
ក្រុមលេខ៣៖ ២ ៥០០ ដុល្លារអាមេរិក
ក្រុមលេខ៤៖ ១ ០០០ ដុល្លារអាមេរិក

មណ្ឌលបន្ទាប់ពីបញ្ចប់នៅប៉ោយប៉ែតមាន៖

មណ្ឌល ខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨ ៩ ១០ ខែកុម្ភៈ។
មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦ ១៧ ខែកុម្ភៈ។
មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣ ១៤ ១៥ ខែមីនា។
ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦ ១៧ ខែមីនា នៅរាជធានីភ្នំពេញ។