នៅ ស្រីពៅ ចង់សាកសមត្ថភាពជាមួយជើងឯកពិភពលោក Stamp Fairtex

2019-03-04 07:16:28
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីគុនខ្មែរ នៅ ស្រីពៅ បានបង្ហាញសមត្ថភាពកក្រើកក្នុងការប្រកួតគុនចម្រុះលើកដំបូង ដោយបានយកឈ្នះកីឡាការិនីថៃ Rika Ishige នៅ ONE: CLASH OF LEGENDS ក្នុងទីក្រុងបាងកក កាលពីថ្ងៃទី១៦ ខែកុម្ភៈ។

នៅ ស្រីពៅ ពេលឈ្នះកីឡាការិនីថៃ Rika (រូបថត៖ ONE)

ពេលនេះ នៅ ស្រីពៅ ចង់សាកសមត្ថភាពជាមួយកីឡាការិនីថៃ Stamp Fairtex ដែលជាម្ចាស់ខ្សែក្រវាត់ពិភពលោករបស់ ONE។ កីឡាការិនីកម្ពុជារូបនេះនិយាយថា ៖«តាំងពីខ្ញុំប្រកួតឈ្នះ Rika មក មតិភាគច្រើនចង់ឃើញខ្ញុំប៉ះជាមួយជើងឯកពីរវិញ្ញាសារបស់ ONE: Stamp Fairtex។ ខ្ញុំគិតថា ខ្ញុំចង់ប្រកួតជាមួយគាត់ដែរ ពីព្រោះគាត់លេងគីឡូ៥២.៥ដូចខ្ញុំដែរ»។

យ៉ាងណា នៅ ស្រីពៅ ពិតជាកោតសរសើរចំពោះម្ចាស់ខ្សែក្រវាត់ ONE Muay Thai World Champion នេះណាស់។ «បើប្រៀបធៀបជាមួយគាត់ ខ្ញុំល្អមិនទាន់បានពាក់កណ្ដាលគេផង។ តែប្រសិន ONE ផ្គូផ្គងឱ្យខ្ញុំប្រកួតជាមួយជើងខ្លាំងណាក៏ខ្ញុំប្រកួតដែរ ខ្ញុំមិនខ្លាចទេ។ ខ្ញុំបានមើលរបៀបដែលគាត់វាយ ហើយដឹងថា គេខ្លាំងអី យើងត្រូវហាត់ត្រៀមអីខ្លះ។ ដូចកាលខ្ញុំប្រកួតទល់នឹង Rika អីចឹង។ Stamp ប្រើដៃទាំង២បានល្អ ហើយទាត់ខ្លាំងថែមទៀត»។

Stamp Fairtex ឈ្នះខ្សែក្រវាត់ពិភពលោក ONE (រូបថត៖ ONE)

ដោយមានមូលដ្ឋានគុនខ្មែររឹងមាំ នៅ ស្រីពៅ ក៏មានបទពិសោធនៅសង្វៀនមីយ៉ាន់ម៉ា World Lethwei Championship រហូតបានកីឡាការិនីឆ្នើមប្រចាំកម្មវិធីនេះទៀតផងកាលពីឆ្នាំ២០១៨៕

អត្ថបទ៖ Matias Andres