នី សំណាង ឈ្នះមេដាយសំរិទ្ធិមួយគ្រឿងនៅ Asian Beach Games

2014-11-17 19:14:43
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីចំបាប់កម្ពុជា នី សំណាង ទទួលបាននូវមេដាយសំរិទ្ធិមួយគ្រឿង លើវិញ្ញាសាចំបាប់ក្នុងប្រភេទទម្ងន់ក្រោម៦០គីឡូក្រាម ចំបាប់លើខ្សាច់ កាលពីម្សិលមិញនេះ ក្នុងព្រឹត្តិការណ៍កីឡាអាស៊ីលើឆ្នេរខ្សាច់លើកទី៤ នៅភូកេត ប្រទេសថៃ Beach Asian 2014។

ក្នុងចំណោមកីឡា៣ប្រភេទដែលកម្ពុជាបានបញ្ជូនទៅលើកនេះ មានតែកីឡាចំបាប់នេះមួយទេ ដែលមានលទ្ធភាពប្រជែងយកមេដាយបានសម្រេចមុនគេ ដែលធ្វើបានសម្រេចដោយកីឡាការិនី នី សំណាង ខណៈក្នុងប្រភេទទម្ងន់ខាងលើនេះលេខ១ បានទៅកីឡាការិនីកូរ៉េខាងត្បូង និងលេខ២បានទៅកីឡាការិនីវៀតណាម។

នី សំណាង ខាងស្ដាំគេ

ក្នុងព្រឹត្តិការណ៍ព្រឹត្តិការណ៍កីឡាឆ្នេរខ្សាច់អាស៊ីលើកទី ៤ (Asian Beach Games) នេះកម្ពូជាបានសម្រេចបញ្ជូនកីឡាចំនួន ៣ ប្រភេទទៅចូលរួមប្រកួត ដែលការប្រកួតនឹងចាប់ពីថ្ងៃទី ១៤ ដល់ ២៣ វិច្ឆិកា ឆ្នាំ ២០១៤។ កីឡាទាំង ៣ ប្រភេទមាន ចំបាប់, បាល់ទះលើឆ្នេរខ្សាច់ និង Foot-Volley។

តារាងមេដាយ

ប្រភេទវិញ្ញាសាកីឡា

តាមគម្រោង Asian Beach Games 2014មានអត្តពលិកប្រមាណ ២.៦៤៥ នាក់មកពីប្រទេសក្នុងទ្វីបអាស៊ីចំនួន ៤២ ប្រទេស ចូលរួមប្រកួតប្រជែងលើវិញ្ញាសា ១៦៩ ប្រភេទ ក្នុងចំណោម ២៦ កីឡាផ្សេងគ្នា៕

អត្ថបទ៖ អៀង សូទ្រី