ទ្រាំលែងបាន Zidane ចេញមកថាចូលចិត្ត Paul Pogba ខ្លាំងៗ

2019-04-01 03:08:36
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការរបស់ Real Madrid លោក Zinedine Zidane និយាយថា លោកចូលចិត្ត Paul Pogba ខ្លាំងៗ ហើយថាខ្សែបម្រើរូបនេះ ដឹងពីរបៀបលេងគ្រប់យ៉ាងលើទីលាន។

Pogba វ័យ២៦ឆ្នាំកំពុងមានការទាក់ទងជាមួយ Real Madrid ហើយកន្លងទៅអំឡុងពេលជួយជម្រើសជាតិបារាំងរូបគេធ្លាប់និយាយថា Real គឺជាក្លឹបក្នុងក្ដីស្រមៃរបស់កីឡាករគ្រប់គ្នា។ និយាយមុនការប្រកួតជាមួយ Huesca កាលពីថ្ងៃអាទិត្យZidan ថា៖ "ខ្ញុំស្គាល់ Pogba។ គេបាននាំមកនូវអ្វីៗជាច្រើន ហើយមានតែកីឡាករប៉ុន្មាននាក់ប៉ុណ្ណោះដែលអាចធ្វើបានដូចគេ"។

Pogba បានត្រលប់មកចូលរួមជាមួយ United ពីក្លឹប Juventus ក្នុងតម្លៃកំណត់ត្រាពេលនោះ៨៩លានផោនកាលពីឆ្នាំ២០១៦។ ប៉ុន្តែអនាគតរបស់គេនៅ Old Trafford ស្ថិតក្នុងមន្ទិលសង្ស័យកាលពីដើមរដូវកាលនេះ ដោយសារតែមានរឿងច្រើនជាមួយអតីតអ្នកចាត់ការ Jose Mourinho។

តែបន្ទាប់ពីលោក Ole Gunnar Solskjaer ចូលមកជំនួសកន្លែងរបស់ Mourinho ដែលត្រូវក្លឹបបណ្ដេញចេញកាលពីខែធ្នូ Pogba បានបង្ហាញទម្រង់លេងនិងអារម្មណ៍ល្អឡើងវិញ។ Zidan បន្ថែមថា៖ "Pogba គឺជាខ្សែបម្រើដឹងរបៀបការពារនិងប្រយុទ្ធ។ ប៉ុន្តែគេមិនមែនកីឡាកររបស់ខ្ញុំ។ គេនៅ Manchester United”។

ប្រភព៖ BBC ប្រែសម្រួល៖ ហេង សុធារិទ្ធិ