Jose Mourinho៖ ខ្ញុំចង់ចូលដឹកនាំវិញនៅរដូវកាលក្រោយ

2019-04-02 02:16:47
ចំនួនមតិ 0 | ចំនួនចែករំលែក 0

ចន្លោះមិនឃើញ

Jose Mourinho បានបង្ហើបថា លោកចង់ត្រលប់មកដឹកនាំការប្រកួតវិញពេលចាប់ផ្ដើមរដូវកាលក្រោយ ហើយក៏មិនឈឺចាប់ដែរក្នុងពេលវេលាដែលមិនបានដឹកនាំ។

បណ្ដេញចេញដោយ Manchester United កាលពីខែធ្នូ អ្នកចាត់ការសញ្ជាតិព័រទុយហ្គាល់បានចំណាយពេលធ្វើជាអ្នកវិភាគបាល់ទាត់ ដើម្បីបំពេញចន្លោះដែរទំនេរ។ "ខ្ញុំមិនបានឈឺចាប់អ្វីទេ ព្រោះខ្ញុំមិនបានដឹកនាំ។ ខ្ញុំមានពេលដើម្បីគិតអំពីរឿងផ្សេងទៀត។ ប៉ុន្តែនិយាយស្មោះត្រង់ ខ្ញុំនឹងត្រលប់មកដឹកនាំវិញនៅរដូវកាលក្រោយ"។ សម្ដី Mourinho។

បុរសវ័យ៥៦ឆ្នាំបានបន្ថែមថា៖ "ខ្ញុំបានសម្រេចចិត្តមិនដឹកនាំរហូតចូលដល់រដូវកាលថ្មី ហើយខ្ញុំនឹងត្រលប់ទៅដឹកនាំក្លឹបមួយ និងការប្រកួតប្រជែងដែលលើកទឹកចិត្តខ្ញុំ"។ លោកក៏បានបញ្ជាក់ផងដែរថា ថ្ងៃណាមួយនឹងទៅដឹកនាំជម្រើសជាតិព័រទុយហ្គាល់ ប៉ុន្តែមិនមែនពេលនេះទេ៕

ប្រភព៖ Marca ប្រែសម្រួល៖ ហេង សុធារិទ្ធិ