ត្រឹមតែ ៣១ប្រកួត Arsenal មានពិន្ទុស្មើនឹងពេលចប់រដូវកាលមុនបាត់

2019-04-02 12:22:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីយកឈ្នះក្លឹប Newcastle United ក្នុងលទ្ធផល ២-០ កាលពីយប់ថ្ងៃច័ន្ទនេះ ក្លឹប Arsenal មិនត្រឹមតែឡើងមកលេខ ៣ ក្នុងតារាងចំណាត់ថ្នាក់លីគកំពូលអង់គ្លេសទេ តែថែមទាំងមានពិន្ទុស្មើនឹងបញ្ចប់រដូវកាល ២០១៧/១៨ ដោយមាន ៦៣ពិន្ទុ។

កាលពីរដូវកាល ២០១៧/១៨ ក្លឹបកាំភ្លើងធំ Arsenal ស្ថិតក្រោមការដឹកនាំរបស់អ្នកចាត់ការចាស់វស្សាជនជាតិលោក Arsene Wenger។ ពេលនោះដែរ Arsenal បញ្ចប់ក្នុងចំណាត់ថ្នាក់លេខ ៦ ក្នុង Premier Leagueនិងមាន ៦៣ពិន្ទុក្នុងដៃ។

ដោយឡែកក្នុងរដូវកាល ២០១៨/១៩នេះវិញ ក្លឹបមួយនេះបានតែងតាំងអ្នកចាត់ការអេស្ប៉ាញ Unai Emery ដែលមានបទពិសោធន៍ក្នុងការដឹកនាំក្លឹបនៃលីគកំពូលអេស្ប៉ាញ និងលីគកំពូលបារាំង។ គិតត្រឹមសប្ដាហ៍ទី ៣១នេះ លោកបានដឹកនាំក្លឹបឲ្យឈរចំណាត់ថ្នាក់លេខ ៣ ក្នុង Premier League ដែល ឈ្នះ ១៩ដង ស្មើ ៦ដង និងចាញ់ ៦ដង ហើយមាន ៦៨ពិន្ទុក្នុងដៃ។

ក្នុងពេលនេះដែរ ក្លឹប Liverpool ឈរកំពូលតារាង ដោយលេងបាន ៣២ប្រកួត និងមាន ៧៩ពិន្ទុ តាមពីក្រោយដោយ Manchester City ដែលនៅសល់មួយប្រកួត និងមាន ៧៧ពិន្ទុ។ លេខ ៣ Arsenal ចំណែកឯ Tottenham Hotspur ធ្លាក់ទៅលេខ ៤ មាន ៦១ពិន្ទុស្មើនឹង ក្រុមលេខ ៥ Manchester United ខណៈក្លឹប Chelsea ឈរលេខ ៦ ដោយមាន ៦០ពិន្ទុ៕

ប្រភព៖ Sky Sports អត្ថបទ៖ សេរី មង្គល