Zidane ៖ ខ្ញុំអត់យល់ Bale គាត់គិតពី Real Madrid ឬអត់ហ្នឹង?

2019-04-29 03:01:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Real Madrid ចាញ់ក្រុមបាតតារាង Rayo ១-០ ក្នុងការប្រកួតលីគកំពូលអេស្ប៉ាញ La Liga សប្ដាហ៍ទី៣៥។

បរាជ័យក្រោមថ្វីជើងក្រុមខ្សោយដូចជា Rayo នេះ បានធ្វើឱ្យអ្នកគាំទ្រអធិរាជស សឹងមិនជឿនឹងភ្នែក ត្បិតអីពួកគេជាក្រុមខ្លាំងមួយ បែរជាមកភ្លាត់ចាញ់ដូច្នេះ។ លោក Zidane បាននិយាយក្រោយចប់ការប្រកួតដ៏ជូរចត់នេះថាលោកមើលឃើញកីឡាករក្រុម Real Madrid អត់បានធ្វើអ្វីសោះ មិនលេងបាល់សោះក្នុងប្រកួតនេះ ទើបបានជាបរាជ័យដូច្នេះ។

ដោយឡែកសម្រាប់វត្តមាន Bale វិញ ដែលដាក់ឱ្យលេងពេញ៩០នាទី ត្រូវបានអ្នកចាត់ការបារាំងខាងលើនិយាយថាលោកមិនយល់ទេ ថា Bale បច្ចុប្បន្ននេះកំពុងគិតពីក្រុម Real Madrid ឬអត់។ ស្របពេលដែលរូបគេបានចាកចេញពីទីលានប្រកួតនោះភ្លាម ហើយឡើងយន្ដហោះឯកជនរបស់ខ្លួន មិនបានជិះជាមួយសមាជិកក្រុមដទៃនោះទេ ក្រោយចប់ការប្រកួតនោះ។

Bale បច្ចុប្បន្ននេះ កំពុងតែត្រូវអ្នកគាំទ្រមិនពេញចិត្តឡើយ ហើយក៏មានដំណឹងថាក្លឹបបានដាក់រូបគេក្នុងបញ្ជីលក់កីឡាករចេញផងដែរ។ អ្វីដែលកាន់តែចាប់អារម្មណ៍ទៀតនោះ នៅមិនទាន់មានក្លឹបណាមួយចាប់អារម្មណ៍លើរូបគេឡើយ៕

ប្រភព៖ Dailymail ប្រែសម្រួល៖ មុន្នីរម្យ