បើជាប់ហាត់នៅសាលា Barcelona តើយុវជនខ្មែរ Dome ចំណាយយ៉ាងណា?

2019-04-29 03:06:46
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជនខ្មែរ-ថៃ Kasidej Vasunan បានជាប់តេស្តជុំទី១នៅសាលាហ្វឹកហាត់បាល់ទាត់ FCBESCOLA របស់ក្លឹបកំពូលអេស្ប៉ាញកាលពីសប្តាហ៍កន្លងទៅនេះ ហើយនឹងត្រូវទៅតេស្តជាលើកជុំទី២ដើមខែឧសភាខាងមុខនេះ។ ប្រសិនបើយុវជនរូបជាប់ ហើយបានហ្វឹកហាត់នៅសាលាបាល់ទាត់ដ៏ល្បីនេះ តើត្រូវចំណាយផ្ទាល់ខ្លួន ឬខាងក្លឹបជាអ្នកចំណាយ?

លោកស្រី ពុធ ធីតា

លោកស្រី ពុធ ធី ម្តាយរបស់ Kasidej Vasunan បានបានប្រាប់ថា ៖«ប្រសិនបើ Dome ជាប់តេស្តជាលើកជុំទី២ គាត់នឹងបានចូលហ្វឹកហាត់ដោយឥតគិតថ្លៃនៅសាលា FCBESCOLA របស់ក្លឹប Barcelona ប៉ុន្តែអាហារ និងការរស់នៅផ្សេងៗចំណាយដោយខ្លួនឯង»។

ប្រសិនយុវជនណាម្នាក់ដែលមានទេពកោសល្យខ្ពស់ លេចធ្លោបំផុត គេនឹងជ្រើសរើសចូលកម្រិតយុវជនរបស់ក្លឹប Barcelona ដោយមានចុះកិច្ចសន្យាពេញ ហើយការស្នាក់នៅ អាហារ និងការហ្វឹកហាត់គឺខាងក្លឹបជាអ្នកចំណាយទាំងអស់។ ទោះជាយ៉ាងណានៅកម្រិតយុវជនពិតជាលំបាកខ្លាំងបំផុត ប្រសិនបើយុវជនណាម្នាក់មានលទ្ធផលនៃការហ្វឹកហាត់មិនល្អប្រសើរនឹងធ្លាក់មកសាលា FCBESCOLA វិញ។

យុវជន Dome ពេលធ្វើតេស្តនៅសាលា FCBESCOLA

តាមការលើកឡើងរបស់ប្រធានក្លឹបបឹងកេតសបញ្ជាក់ឲ្យឃើញថា នៅសាលាបាល់ទាត់របស់ក្លឹបកំពូលអេស្ប៉ាញ ទោះជាមានលុយចំណាយយ៉ាងណា ក៏មិនអាចចូលហ្វឹកហាត់បានឡើយ បើគ្មានទេពកោសល្យបាល់ទាត់ និងឆ្លងកាត់ការធ្វើតេស្តត្រឹមត្រូវនោះ។

សូមបញ្ជាក់ថា កូនប្រុសរបស់ប្រធានក្លឹបបាល់ទាត់បឹងកេត ឈ្មោះ Kasidej Vasunan ហៅ DOME ទើបជាប់តេស្តជុំទី១នៅសាលាបាល់ទាត់FCBESCOLA ហើយត្រូវទៅធ្វើតេស្តជុំទី២នាថ្ងៃទី៥ ខែឧសភា ខាងមុខនេះ៕

អត្ថបទ៖ ជាន ចាន់រ៉ា