Angkor Tiger កំពុងប្រមូលអ្នកគាំទ្រខ្លាំង ២ប្រកួតក្នុងដី បានជិត១ម៉ឺននាក់

2019-04-29 03:25:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Angkor Tiger បានយកឈ្នះលើក្រុមខ្លាំងវិសាខា ក្នុងលទ្ធផល ២-១ នាការប្រកួតលីគកំពូលកម្ពុជាសប្ដាហ៍ទី៥ម្សិលមិញនេះ។

ការប្រកួតដ៏ជក់ចិត្តនេះដែរ ក្រៅពីលទ្ធផលឈ្នះហើយ ក្រុម Tiger ក៏បានបានបង្កើតកំណត់ត្រាពិសេសសម្រាប់ពួកគេផងដែរ។ ជាក់ស្ដែងក្នុងប្រកួតនេះ មានអ្នកចូលរួមទស្សនាជាង៤ពាន់នាក់ឯណោះ ដែលជាកំណត់ត្រាច្រើនជាងគេក្នុងលីគគិតត្រឹមសប្ដាហ៍ទី៥នេះ។ ដោយឡែកបើបូកសរុប២ប្រកួតក្នុងដីរបស់ Tiger នៅកីឡដ្ឋានខេត្តសៀមរាប ក្រុមមានម្ចាស់ជាជនជាតិជប៉ុននេះ មានអ្នកចូលរួមទស្សនា ក្បែរ១ម៉ឺននាក់ទៅហើយ។

លោក Akihiro Kato ម្ចាស់ក្លឹប Angkor Tiger បានដាក់គោលដៅយកអ្នកគាំទ្រឱ្យបាន៥ពាន់នាក់ក្នុង១ប្រកួត។ ដោយឆ្លងកាត់២ប្រកួតមកនេះ អ្នកគាំទ្រមានការកើនឡើង ដូច្នេះគេរំពឹងថាការប្រកួតបន្ទាប់ក្នុងដី បំណងប្រាថ្នាប្រមូលអ្នកគាំទ្រឱ្យបាន៥ពាន់នាក់នោះ អាចនឹងបានសម្រេចហើយ។

រំលឹកបន្តិចថា Angkor Tiger នារដូវកាលនេះបានបង្ហាញភាពខ្លាំងគួរឱ្យចាប់អារម្មណ៍មែនទែន។ ជាក់ស្ដែង ពួកគេមិនទាន់ស្គាល់បរាជ័យឡើយ ដោយប៉ះក្រុមខ្លាំងដូចជា ក្រសួងការពារជាតិក៏លេងបានស្មើ ប៉ះបឹងកេតក៏ស្មើ ហើយប្រកួតចុងក្រោយនេះ ប៉ះក្រុមខ្លាំងវិសាខា ថែមទាំងយកបានជ័យជម្នះទៀត៕