Ozil ប្រាប់ពីអនាគតរបស់ខ្លួន ខណៈកុងត្រានៅ Arsenal សល់ ២ឆ្នាំទៀត

2019-05-02 12:50:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើក្លឹប Arsenal កីឡាករ Mesut Ozil បាននិយាយប្រាប់សារព័ត៌មាន Sky Sports ថា ខ្លួនកំពុងតែសប្បាយចិត្តជាមួយក្លឹបដែលមានមូលដ្ឋាននៅទីក្រុងឡុងដុងនេះ ប៉ុន្តែក្រោយចប់កុងត្រានេះទៅ ខ្លួនមិនទាន់ដឹងថាត្រូវធ្វើយ៉ាងម៉េចទេ។

កីឡាករអាល្លឺម៉ង់រូបនេះបានលើកឡើងថា៖ " ប្រាកដណាស់ ខ្ញុំនឹងបន្តជាមួយ Arsenal ទៀត។ ខ្ញុំមានកុងត្រាជាមួយក្លឹប ២ឆ្នាំទៀត ប៉ុន្តែខ្ញុំមិនដឹងថាមានអ្វីកើតឡើងទេក្រោយពេលចប់កុងត្រា " ។

ខ្សែបម្រើរូបនេះបានបន្តថា៖ " ខ្ញុំសប្បាយចិត្តជាមួយនឹងក្លឹបណាស់។ ខ្ញុំអាយុ ៣០ឆ្នាំ ហើយនៅសល់ពេលជាច្រើនទៀត តែវាជាការសម្រេចចិត្តរបស់ក្លឹប សំខាន់ខ្ញុំនៅសល់ពេល ២ឆ្នាំទៀត " ។

មួយរយៈនេះ មានពាក្យចចាមអារ៉ាមមួយចំនួនបានលើកឡើងថា Ozil មានបញ្ហាជាមួយអ្នកចាត់ការក្លឹប Arsenal លោក Unai Emery។ ទាក់ទិននឹងរឿងនេះ Ozil សារភាពថា ខ្លួនមានការអាក់អន់ស្រពន់ចិត្តចំពោះការមិនសូវបានលេង ប៉ុន្តែច្រានចោលរឿងដែលថា ខ្លួនមានជម្លោះជាមួយ Emery ឡើយ៕

អានបន្ត៖