Mbappe រងពិន័យ ៣ប្រកួត ឯរឿង Neymar ចាប់បើកការស៊ើបអង្កេត

2019-05-03 12:48:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធក្លឹប Paris Saint-Germain កីឡាករ Kylian Mbappe ត្រូវបានសហព័ន្ធបាល់ទាត់បារាំងពិន័យចំនួន ៣ប្រកួត ខណៈសហព័ន្ធនៃប្រទេសនេះក៏ចាប់បើកការស៊ើបអង្កេតលើករណីដែលខ្សែប្រយុទ្ធប្រេស៊ីលកីឡាករ Neymar ប៉ះទង្គិចជាមួយទស្សនិកជន។

Mbappe ជាប់ពិន័យនេះដែរ គឺដោយសារតែខ្សែប្រយុទ្ធវ័យក្មេងរូបនេះ ទទួលបានកាតក្រហមកំឡុងការប្រកួតវគ្គផ្ដាច់ព្រ័ត្រនៃពាន Coupe de France ពេលប៉ះនឹងក្លឹប Rennes។ នៅពេលនោះដែរ Mbappe បានធាក់គន្លាក់ជង្គង់របស់កីឡាករ Rennes ពេលប្រទាញប្រទង់គ្នា។

ក្លឹបបារាំង Paris Saint-Germain នៅលេង ៤ប្រកួតទៀតក្នុង Ligue 1 ប៉ុន្តែ Mbappe នឹងខកខានមិនបានជួយក្រុមទេពេលប៉ះនឹង Nices, Angers និង Dijon។

ការខកខានមិនបានជួយក្លឹបនេះ ធ្វើឲ្យកីឡាកររូបនេះស្ទើរតែបាត់បង់ឱកាសទាំងស្រុងក្នុងការប្រជែងដណ្ដើមយកស្បែកជើងមាសជាមួយខ្សែប្រយុទ្ធក្លឹប Barcelona កីឡាករ Lionel Messi ដែលមាន ៣៤គ្រាប់ក្នុងលីគអេស្ប៉ាញ ចំណែកឯ Mbappe វិញទើបតែរកបាន ៣០គ្រាប់។

ចំពោះករណីរបស់ Neymar ដែលពាក់ព័ន្ធនឹងការប៉ះទង្គិចជាមួយនឹងទស្សនិកជនពេលឡើងយកមេដាយប្រាក់ សហព័ន្ធចាប់ផ្ដើមបើកការស៊ើបអង្កេតហើយ។ បើរកឃើញថាមានបញ្ហាណាមួយ កីឡាករប្រេស៊ីលរូបនេះ អាចប្រឈមមុខនឹងអវត្តមានចំនួន ៨ប្រកួត៕