CEO របស់ ONE បើកផ្លូវឲ្យ Rodtang ទើបឈ្នះ សុខ ធី ប៉ះម្ចាស់ខ្សែក្រវាត់ពិភពលោក

2019-05-24 01:27:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ឈ្នះ៤ប្រកួតជាប់គ្នានៅសង្វៀនលំដាប់អាស៊ី ONE ជើងខ្លាំងថៃ Rodtong ទទួលបានភ្លើងខៀវពីម្ចាស់សង្វៀនឲ្យប្រកួតដណ្តើមខ្សែក្រវាត់ពិភពលោកគឺកីឡាករ Jonathan Haggerty ដែលទើបយកខ្សែក្រវាត់បានពីកីឡាករថៃ Sam-A Gaiyanghadao។

Rodtang ពេលវ៉ៃជាមួយ សុខ ធី (រូបថត៖ ONE)

អ្នកប្រដាល់ថៃដែលរហស្សនាម«បុរសដែក» Rodtang បាននិយាយលើសង្វៀនក្រោយឈ្នះ សុខ ធីថា ៖«ពេលប្រកួត ខ្ញុំត្រូវតែវ៉ៃដៃគូឲ្យសន្លប់ដើម្បីធានាកន្លែងដែលខ្ញុំអាចវ៉ៃដណ្តើមខ្សែក្រវាត់បាន។ ខ្ញុំពិតជាចង់វ៉ៃជាមួយគេ (Jonathan)។ ខ្ញុំចង់វ៉ៃដណ្តើមខ្សែក្រវាត់ពិភពលោកពីគេ។ ខ្ញុំគិតថា វានឹងក្លាយជាការប្រកួតដ៏អស្ចារ្យ។ វ៉ៃជាមួយ Jonathan ខ្ញុំជឿជាក់លើខ្លួនឯង១០០% ហើយជាក្តីស្រមៃរបស់ខ្ញុំឆ្ពោះទៅគ្រងខ្សែក្រវាត់ពិភពលោក»។

ចំណែកម្ចាស់ខ្សែក្រវាត់ពិភពលោក Jonathan Haggerty មួយសប្ដាហ៍ក្រោយពេលដណ្តើមខ្សែក្រវាត់បានសម្រេចពីម្ចាស់ខ្សែក្រវាត់ Sam-A បានឆ្លើយតបវិជ្ជមានវិញថា រូបគេចង់ឲ្យ Rodtang ក្លាយជាដៃគូប្រកួតដណ្តើមខ្សែក្រវាត់ពិភពលោកនៅចំពោះមុខអ្នកគាំទ្ររាប់លានទូទំាងពិភពលោក។

Jonathan Haggerty គ្រងខ្សែក្រវាត់ពិភពលោក (រូបថត៖ ONE)

ទោះបីជាយ៉ាងណា ពេលវេលា និងទីកន្លែងនៃការប្រកួតរបស់ជើងខ្លាំងទាំងពីរមិនទាន់ប្រកាសជាផ្លូវការឡើយ ប៉ុន្តែគូនេះត្រូវបាន នាយកប្រតិបត្តិ(CEO) និងជាប្រធានរបស់ ONE ជនជាតិថៃគឺលោក Chatri Sityodtong បើកភ្លើងខៀវហើយ និងត្រូវបានគេរំពឹងប្រកាសជាផ្លូវការនាពេលខាងមុខ៕

អត្ថបទ៖ ជាន ចាន់រ៉ា