Pep ទៅដឹកនាំ Juventus ? ជារឿងគួរឱ្យចង់សើចបំផុត

2019-05-24 03:39:03
ចំនួនមតិ 0 | ចំនួនចែករំលែក 0

ចន្លោះមិនឃើញ

“Pep ទៅដឹកនាំ Juventus ? ជារឿងគួរឱ្យចង់សើចបំផុត”។ នេះជាសម្ដីរបស់លោក Alberto Galassiសមាជិកក្រុមប្រឹក្សាភិបាលក្លឹបនៅអង់គ្លេស។

លោក Pep Guardiola ជាអ្នកចាត់ការដឹកនាំក្រុម Manchester City លើកពានរង្វាន់ក្នុងស្រុកដល់ទៅ៣ឯណោះគឺ Premier League , FA Cup និងCarabao Cup នារដូវកាលនេះ។ យ៉ាងណាមិញ ក្រោយពីដឹកនាំក្រុមបានល្អ ហើយក្រុម Juventus ឯណោះ បានបណ្ដេញអ្នកចាត់ការ Allegri ចេញផងនោះ ស្រាប់តែកាសែតនៅអ៊ីតាលី បានចុះផ្សាយព្រោងព្រាតថាលោក Pep នេះ នឹងទៅដឹកនាំក្រុម Juventus ហើយ ដោយថែមទាំងចុះកុងត្រាដល់៥ឆ្នាំថែមទៀត។

លោក Alberto Galassi

ដំណឹងនេះ បានធ្វើឱ្យលោក Alberto Galassi សមាជិកក្រុមប្រឹក្សាភិបាលក្លឹបនៅអង់គ្លេសហួសចិត្តយ៉ាងខ្លាំង ហើយលោកបានហៅវាថាជារឿងគួរឱ្យអស់សំណើចបំផុត។ ជាមួយកុងត្រានៅ Etihad Stadium រហូតដល់ឆ្នាំ២០២១ ហើយដឹកនាំក្រុមជោគជ័យថែមទៀតនោះ លោក Galassi គិតថាក្រុម Man City ប្រហែលមិនឱ្យលោក Pep ចាកចេញដោយស្រួលៗយ៉ាងនេះនោះទេ។

មួយវិញទៀត លោកក៏បានបន្ទោសទៅខាងសារព័ត៌មានអ៊ីតាលីដែរថាមិនគួរជំរុញឱ្យមានការផ្សាយដំណឹងដូច្នេះឡើយ ព្រោះវាជាដំណឹងពិបាកនឹងកើតឡើងខ្លាំងណាស់។ Pep ជាអ្នកចាត់ការល្បីឈ្មោះម្នាក់ ខណៈដែលដឹកនាំក្រុម Man City មិនទាន់ដល់គោលដៅនៅ Champions League ផងនោះ គឺមិនអាចចាកចេញងាយៗយ៉ាងនេះឡើយ៕

ប្រភព៖ BBC ប្រែសម្រួល៖ មុន្នីរម្យ