Sarri ដក Cigar ជក់ធ្វើមិនដឹង ខណៈកីឡាករអបអរឈ្នះ Europa League

2019-05-30 02:01:59
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Sarri បានដឹកនាំក្រុម Chelsea លើកពានរង្វាន់ Europa League ហើយ ក្រោយពីយកឈ្នះលើក្រុម Arsenal ក្នុងលទ្ធផល ៤-១។

ជ័យជម្នះដាច់គ្រាប់ផុយរបស់ Chelsea បានមកពី ថ្វីជើងកីឡាករ Giroud ១គ្រាប់, Rodriguez ១គ្រាប់ និង Hazard ២គ្រាប់តែម្នាក់ឯង។ គ្រាប់បាល់ទាំង៤គ្រាប់សុទ្ធតែស៊ុតចូលនៅវគ្គទីពីរទាំងអស់។ ដោយឡែក១គ្រាប់របស់ Arsenal រកបានដោយ Iwobi នៅនាទី៦៩។ ខណៈដែលការឈ្នះរដូវកាលនេះ ក៏បានធ្វើឱ្យក្រុម Chelsea ជាប់កំណត់ត្រាពិសេសមួយដែរ ពោលគឺជាក្រុមប្រកួតមិនចាញ់សោះនៅរដូវកាលនេះក្នុងពាន Europa League ។

អ្វីដែលកាន់តែកត់សម្គាល់ថែមទៀតសម្រាប់ការប្រកួតនេះ គឺលោក Sarri អ្នកចាត់ការរបស់ Chelsea បានដក Cigar របស់ខ្លួនមកបង្អួតកូនក្រុមដើម្បីជាការអបអរ និងជក់ធ្វើមិនដឹង អំឡុងពេលកូនក្រុមកំពុងសប្បាយរីករាយថតរូប លេងជាមួយពានរង្វាន់ថែមទៀត។ អ្នកចាត់ការសញ្ជាតិអ៊ីតាលីនេះ គឺជាអ្នកញៀនបារីខ្លាំង ដោយ១ថ្ងៃៗលោកជក់មិនតិចដើមឡើយ៕

ប្រភព៖ Dailymail ប្រែសម្រួល៖ មុន្នីរម្យ