រូបភាព ៤សន្លឹកកែឡាន Prius បើកដំបូល និង រាងដូច Pick Up ឡើងអ៊ែម

2019-05-31 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡាន Prius ជាប្រភេទឡាន Hybrid ដែលកំពុងមានភាពពេញនិយមសម្រាប់អ្នកប្រើប្រាស់ជាលក្ខណៈគ្រួសារ ដោយមានរូបរាងស្អាត ស៊ីសាំងតិចគួបផ្សំជាមួយតម្លៃធូរថ្លៃខ្ទង់ ១ ទៅជិត ២ម៉ឺនដុល្លារអាចទិញប្រើប្រាស់បានសម្រាប់ម៉ូដែលមួយទឹកក្នុងស្រុក។

ក្រឡេកមកមើលរូបភាព ៤សន្លឹកដែលត្រូវបានគេយកឡាន Prius មកច្នៃជាប្រភេទលាន Pick Up និងបើកដំបូលមើលទៅពិតជាមានភាពទាក់ទាញ និងត្រូវចិត្តសម្រាប់អ្នកស្រលាញ់ការលេងឡាន។

Prius ស៊េរីឆ្នាំ ២០០៦

Prius ជំនាន់ទីពីរជាជំនាន់ដែលមានទីផ្សារច្រើនសម្រាប់អ្នកប្រើនៅកម្ពុជាចាប់បីស៊េរី ២០០៤ ដល់ ២០០៩ មានការរចនារូបរាងខុសគ្នាពីជំនាន់ទីមួយខ្លាំង ទាំងបច្ចេកវិទ្យាជាពិសេសរូបរាង ផ្នែកខាងមុន ត្រង់គូថក្រោយតែម្ដង។

Prius ស៊េរីឆ្នាំ ២០០៥

Prius ជំនាន់ទីពីរនេះនៅតែប្រើម៉ាស៊ីន I-4 ទំហំ ១,៥ លីត្រ កម្លាំង ៧៦ សេះ គួបផ្សំជាមួយម៉ូទ័រអេឡិចត្រូនិកកម្លាំង ៦៧ សេះ។ ការបើកបរក្រៅក្រុងចម្ងាយ ១០០ គីឡូម៉ែត្រស៊ីប្រេងឥន្ធនៈ ៥,២ លីត្រ និង ក្នុងក្រុងស៊ី ៤,៩ លីត្រក្នុង ១០០ គ.ម។ ចំនួនលក់ជំនាន់ទីពីរនេះកើនឡើងដល់ប្រមាណ ១ ១៩២ ០០០ គ្រឿង៕

រូបភាព៖ ហ្វេសបុក

អត្ថបទ៖ ម៉េងងី