កាល​ពី​ថ្ងៃ​ពុធ​ម្សិលមិញ​នេះ Huawei បាន​ចុះ​កិច្ច​ព្រមព្រៀង​ជា​មួយ​ក្រុមហ៊ុន​ទូរគមនាគមន៍​ MTS របស់​រុស្សី ក្នុង​ការ​អភិវឌ្ឍ​​ប្រព័ន្ធ​ទំនាក់ទំនង​ 5G នៅ​​ប្រទេស​រុស្សី​​ចាប់​ពី​ឆ្នាំ ២០១៩ ដល់ ២០២០។

​កិច្ច​ព្រមព្រៀង​នេះ​បាន​ធ្វើ​ឡើង​ក្នុង​អំឡុង​ជំនួប​រវាង​មេដឹកនាំ​ចិន​លោក​ Xi Jinping ជា​មួយ​ប្រធានាធិបតី​រុស្សី​​លោក ពូទីន ដែល​ប្រព្រឹត្ត​ទៅ​នៅ​ទីក្រុង​មូស្គូ​។ លោក Guo Ping ប្រធាន​​ក្រុមប្រឹក្សាភិបាល​របស់​ Huawei បាន​និយាយ​ថា សប្បាយ​រីករាយ​ខ្លាំង​នឹង​កិច្ច​ព្រមព្រៀង​នេះ។

​​ក្រុមហ៊ុន​យក្ស​ចិន​ Huawei បាន​​ស្ថិត​ក្នុង​ភាព​ចលាចល​តាំង​ពី​ខែ​ឧសភា នៅ​ពេល​ដែល​រដ្ឋបាល​លោក​​ ដូណាល់ ត្រាំ ហាម​ឃាត់​ក្រុមហ៊ុន​បច្ចេកវិទ្យា​​អាមេរិក​មិន​ឲ្យ​លក់​ឧបករណ៍ និង​សេវាកម្ម​ដល់​ Huawei ដោយ​សង្ស័យ​ថា​ក្រុមហ៊ុន​នេះ​​ជា​​អ្នក​ស៊ើបការណ៍​ឲ្យ​រដ្ឋាភិបាល​ក្រុង​ប៉េកាំង៕​

ចុចអាន៖

• ៣ ជំនាញ​នៅ​មហាវិទ្យាល័យ អាច​អស់​និស្សិត​រៀន​នៅ ២០ ឆ្នាំ​ក្រោយ
• មានទូរសព្ទ Huawei ចំនួន ៨០ លាន​គ្រឿងហើយ ប្រើប្រព័ន្ធប្រតិបត្តិការជំនាន់ថ្មី

ប្រភព៖ Scmp   ប្រែ​សម្រួល៖ សុខហេង