ចេញរូបរាង Google Pixel 4 ដូច iPhone 11 សម្បើមណាស់

2019-06-11 02:39:10
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចែករំលែកដំណឹងលេចធ្លាយគួរឲ្យទុកចិត្ត OnLeaks បានបញ្ចេញរូបរាងដំបូងបំផុតនៃ Google Pixel 4 ដែលសហការគ្នាជាមួយ Pricebaba។

រូបភាព Render នេះគឺផលិតចេញដោយផ្អែកលើដំណឹងសំខាន់ៗដែលគេទទួលបានពីសង្វាក់ផលិតកម្ម និងអាចជាដំណឹងគួរទុកចិត្តបាន ត្បិតថាវាមិនទាន់ជាដំណឹងចេញលេញក្ដី។ រូបភាពបានបង្ហាញថាខ្នងខាងក្រោយរបស់ Pixel 4 គឺមានស្រោបដោយសារធាតុកញ្ចក់ និងដង្គុំកាមេរ៉ាធំ មានរូបរាងដូចជា iPhone 11។

រូបភាពនេះគឺខុសប្លែកទៅនឹងរូបភាពចេញផ្សាយកន្លងមក ដែលមិនមានមូលដ្ឋានច្បាស់លាស់នោះឡើយ។ រូបភាពផ្សាយកន្លងទៅគឺបង្ហាញថា Pixel 4 មានចោះរន្ធកាមេរ៉ាភ្លោះលើអេក្រង់ខាងមុខ និងមានដង្គុំកាមេរ៉ាភ្លោះខាងក្រោយដូចជា iPhone 7 Plus។

រូបភាពចេញផ្សាយកន្លងទៅ

រូបភាព Render នេះ អាចឲ្យគេដឹងចំណុចសំខាន់ៗមួយចំនួនដូចជារន្ធសំឡេងខាងមុខអាចបញ្ជាក់ពីវត្តមានរបស់អេក្រង់ក្បាលឆក ហើយមិនឃើញមានទ្រនាប់ស្កេនម្រាមដៃ ដែលអាចឲ្យសញ្ញាថានឹងមានការប្រើបច្ចេកវិទ្យាស្កេនមុខ ឬ ទ្រនាប់ស្កេនបង្កប់លើអេក្រង់ជំនួសវិញ៕

ចុចអាន៖

ប្រភព៖ 9to5google ប្រែសម្រួល៖ សុខហេង