Eto'o ណែនាំ Salah ឲ្យទៅ Barcelona កុំទៅ Real Madrid អី!

2019-06-24 02:48:51
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតខ្សែប្រយុទ្ធរបស់ Chelsea គឺ Samuel Eto'o បានចង្អុលផ្លូវទៅកាន់កីឡាករ Mo Salah របស់ Liverpool ឲ្យផ្ទេររួមរស់ជាមួយ Barcelona ទៅ។

Salah បានបង្ហាញទម្រង់លេងគួរឲ្យចាប់អារម្មណ៍ខ្លាំងនៅហង្សក្រហម ចាប់តាំងពីចូលរួមកាលពីឆ្នាំ២០១៧ ដោយរកបាន៥៤គ្រាប់ក្នុងការបង្ហាញខ្លួន៧៤ប្រកួត។ គេត្រូវបានទាក់ទងផ្លាស់ទៅកាន់ Real Madrid ប៉ុន្តែ Eto'o វ័យ៣៨ឆ្នាំដែលធ្លាប់ចំណាយពេល៥ឆ្នាំនៅ Barcelona ចាប់ពីឆ្នាំ២០០៤ បាននិយាយថា Barcelona គឺស័ក្ដិសមជាមួយស្ទីលលេងរបស់ Salah។

“Real ធ្លាប់ផ្ដល់ឱកាសឲ្យខ្ញុំចាកចេញពីទ្វីបអាហ្វ្រិក ប៉ុន្តែខ្ញុំដឹងពីស្ទីលលេងរបស់ Barcelona ហើយខ្ញុំគិតថា ក្លឹបមួយនេះនឹងល្អសម្រាប់ Salah។ ប្រសិនបើគេមានឱកាសលេងក្នុងលីគដែលល្អជាងគេលើលោកគឺក្នុងប្រទេសអេស្ប៉ាញ គេគួរតែចុះកុងត្រាជាមួយ Barcelona”។ សម្ដីរបស់ Eto'o។

Eto'o ចាកចេញពីទ្វីអាហ្វ្រិកដំបូងមកកាន់ទឹកដីអឺរ៉ុបគឺចូលរួមជាមួយ Real Madrid ក្នុងឆ្នាំ១៩៩៧។ ប៉ុន្តែនៅទីនោះគេមិនជោគជ័យឡើយបង្ហាញខ្លួនបានតែ៣ប្រកួតគត់ និងត្រូវឲ្យក្លឹបជាច្រើននៅអេស្ប៉ាញខ្ចីជើង មុនពេលផ្លាស់មក Barca ដែលជាកន្លែងភ្លឺស្វាងរបស់គេ៕

ប្រភព៖ BBC ប្រែសម្រួល៖ ហេង សុធារិទ្ធិ