ខ្លាំងណាស់! ជម្រើសជាតិនារីអាមេរិកបំបាក់អង់គ្លេស ឡើងផ្ដាច់ព្រ័ត្រ Women's World Cup

2019-07-03 02:09:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិនារីអាមេរិក បានឡើងទៅកាន់វគ្គផ្ដាច់ព្រ័ត្រ Women's World Cup ២០១៩ ហើយ បន្ទាប់ពីយកឈ្នះអង់គ្លេស ២-១ កាលពីយប់មិញ។

កីឡាការិនី Christen Press ជាអ្នករកគ្រាប់ដំបូងឲ្យអាមេរិកនាទីទី១០ ធ្វើឲ្យក្រុមអ្នកគាំទ្ររីករាយយ៉ាងខ្លាំង។ ប៉ុន្តែនៅ៩នាទីបន្ទាប់ អង់គ្លេសក៏តាមស្មើបានវិញសម្រេចទីដោយកីឡាការិនី Ellen White។ នាទី៣១ អាមេរិកបានបើការនាំមុខជាថ្មីទម្លុះសំណាញ់ដោយកីឡាការិនី Alex Morgan។

មួយគ្រាប់របស់ Morgan បានធ្វើឲ្យនាងតាមស្មើគ្រាប់បាល់របស់ Ellen White មាន៦គ្រាប់ដូចគ្នា ឈរជាអ្នកទាត់បញ្ចូលទីច្រើនជាងគេប្រចាំព្រឹត្តិការណ៍។ ក្នុងវគ្គទីពីរក្រុមទាំងពីរមិនអាចធ្វើអ្វីគ្នាបានឡើយ បញ្ចប់ការប្រកួតអាមេរិកឈ្នះអង់គ្លេស ២-១។ អាមេរិក ត្រូវរកចាំការប្រកួតរវាងហូឡង់និងស៊ុយអែតយប់នេះម៉ោង២រំលងអាធ្រាត្រ ដើម្បីរកមួយក្រុមទៅជួបពួកគេនៅវគ្គផ្ដាច់ព្រ័ត្រ ដែលបារាំងធ្វើជាម្ចាស់ផ្ទះ៕