Barcelona ជជែកលក្ខខ័ណ្ឌដាក់ Coutinho ឲ្យ Arsenal ខ្ចីជើង២ឆ្នាំ

2019-08-04 07:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សារដោះដូរកីឡាករនៅ Premier Leauge នឹងបិទបញ្ចប់នៅសប្តាហ៍ក្រោយ ខណៈដែលក្រុមកាំភ្លើងធំទិញបានកីឡាករ៤នាក់ដែរ រួមមាន៖ William Saliba, Deni Ceballosកីឡាករវ័យ១៨ឆ្នាំសញ្ជាតិប្រេស៊ីល Gabriel Martinelli និង Nicolas Pepe។

Barcelona ត្រូវបានរាយការណ៍ថា បានត្រៀមជាស្រេចក្នុងការដាក់ Philippe Coutinho ឲ្យ Arsenal ខ្ចីប្រើ។

សារព័ត៌មានអេស្ប៉ាញ Mundo Deportivo បានរាយការណ៍ថា កិច្ចសន្យាខ្ចីនេះ Barca នឹងទាមទារ Arsenal ប្រមាណ ២៧ លានផោន (៣៣ លានដុល្លារ) បើចង់បានខ្សែបម្រើរូបនេះ។

កីឡាករវ័យ២៧ឆ្នាំ ក៏ត្រូវបានគេភ្ជាប់ទៅនឹងការចាកចេញទៅកាន់ PSG ផងដែរ ដែលលោក Ernesto Valverde បានយល់ព្រម "ឲ្យភ្លើងបៃតង" ព្រោះគ្រូបង្វឹករូបនេះចង់ឲ្យ Coutinho ចាកចេញពី Camp Nou នៅរដូវក្តៅនេះ មិនថាក្នុងលក្ខខ័ណ្ឌខ្ចីជើង ឬ ទិញផ្តាច់ក៏ដោយ។

ការមកដល់របស់ Griezmann កាន់តែធ្វើឲ្យ Coutinho បាត់ឱកាស ព្រោះគេមិនមែនជាជម្រើសរបស់ Valverde ស្រាប់

ប៉ុន្តែ Coutinho ប្រាប់ថាខ្លួនមិនចង់ទៅអង់គ្លេសវិញទេ។ ថ្លែងប្រាប់ Daily Mirror កាលពីខែមេសា Coutinho បាននិយាយថា "ខួរក្បាលរបស់ខ្ញុំតែងគិតអំពីបាសេឡូណា។ ត្រលប់ទៅអង់គ្លេសវិញនៅពេលនេះ មិនស្ថិតនៅក្នុងផែនការខ្ញុំទេ"។

“នេះគឺជារដូវកាលទី២របស់ខ្ញុំនៅទីនេះ។ ខ្ញុំបានឈ្នះពានជាច្រើន ប៉ុន្តែខ្ញុំតែងតែជាកីឡាករដែលមានមហិច្ឆតា។ ដូច្នេះ ខ្ញុំចង់បានកាន់តែច្រើន"។