ឯកឧត្ដមទូតអគ្គរាជទូតជប៉ុន ថ្លែងអំណរគុណប្រជាជនកម្ពុជា មុននឹងបញ្ចប់បេសកកម្មរបស់លោក

2019-08-22 10:52:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកឧត្ដម ហ៊ីដេហ៊ីសា អូរីណូអ៊ូជី(Hidehisa Hironouchi) ឯកអគ្គរាជទូតជប៉ុន បានមានប្រសាសន៍បង្ហាញពីចំណាប់អារម្មណ៍របស់លោក មុនពេលនឹងចាកចេញពីកម្ពុជា ក្នុងវីដេអូ " ៦០វិនាទីពីលោកទូតជប៉ុន " ដែលបង្ហោះនៅលើទំព័រ Facebook ស្ថានទូតជប៉ុនប្រចាំកម្ពុជា។

ឯកឧត្ដមបានមានប្រសាសន៍ក្នុងវីដេអូនោះថា ក្នុងអាណត្តិ ៣ឆ្នាំបេសកកម្មការទូតនេះ លោកបានជួបជាមួយប្រជាជនកម្ពុជាជាច្រើនម៉ឺន ពាន់ ហើយព្រមទាំងបានចូលរួមកម្មវិធីជាច្រើនផងដែរ។

ឯកឧត្ដមជឿជាក់ថា អនាគតរបស់កម្ពុជានឹងត្រចះត្រចង់ ដោយសារតែមានការចូលរួមសហការ និងកិច្ចខិតខំប្រឹងប្រែងពីសំណាក់យុវជន។ ឯកឧត្ដមក៏បានថ្លែងអំណរគុណ ដល់ប្រជាជនកម្ពុជាចំពោះភាពកក់ក្ដៅ និងអនុស្សាវរីយ៍មិនអាចបំភ្លេចបាន។

ជាចុងក្រោយ ឯកឧត្ដមក៏បានជូនពរប្រជាជនកម្ពុជាឲ្យមានសុខភាពល្អ និងសុភមង្គល ហើយក៏បានជូនពរកម្ពុជាឲ្យបន្តរីកចម្រើន ព្រមទាំងមិត្តភាពកម្ពុជា-ជប៉ុនបន្តជានិរន្តរ។ ឯកឧត្ដមមានប្រសាសន៍មុនបញ្ចប់វីដេអូថា៖ " ជួបគ្នាពេលក្រោយ " ។

ខាងក្រោមនេះជា វីដេអូ " ៦០វិនាទីពីលោកទូតជប៉ុន "៖

អត្ថបទ៖ ហ៊ីម រស្មី