របៀបញ៉ាំ Cereals ដែលប៉ូវសុខភាព និងខួរក្បាលឲ្យកាន់តែរឹងមាំ មិនលើសចំណុះ

2019-08-28 04:13:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Cereals ជាប្រភេទអាហារដែលមនុស្សជាច្រើនអះអាងថា ផ្ដល់សុខភាពល្អ និងមានអាហារូបត្ថម្ភជាច្រើន។ ប៉ុន្តែមនុស្សភាគច្រើនចេះតែញ៉ាំតាមគ្នាដោយមិនបានដឹងពីគុណសម្បត្តិ និងគុណវិបត្តិរបស់វា។ អ្នកប្រហែលជាឆ្ងល់ហើយថា Cereals ពិតជាផ្ដល់សុខភាពដល់អ្នកពិតមែន ឬទេ?

Cereals ជាអាហារពេលព្រឹក ដែលត្រូវបានផលិតចេញពីគ្រាប់ធញ្ញជាតិជាច្រើន ហើយវាសម្បូរទៅដោយ វីតាមីន និងសារធាតុរ៉ែ។ ភាគច្រើនវាត្រូវបានញ៉ាំជាមួយទឹកដោះគោ ទឹកដោះគោជូរ ផ្លែឈើ និង សណ្ដែក។ អ្នកគួរកត់សម្គាល់ពីរបៀបបរិភោគអាហារ បើទោះបីជាអ្នកញ៉ាំអាហារដែលផ្ដល់សុខភាពល្អ តែបើញ៉ាំគ្មានក្បួនខ្នាត និងធ្វើឲ្យប៉ះពាល់ដល់សុខភាពជាក់ជាមិនខាន។

ខាងក្រោមនេះជារបៀបញ៉ាំ Cereals ឲ្យបានសុខភាពល្អនឹងផ្ដល់ប្រយោជន៍មានដូចជា៖

ត្រូវកំណត់ជាតិស្ករ ក្នុង Cereals ត្រឹម ៥ ក្រាមក្នុងមួយចានប៉ុណ្ណោះ។
ជ្រើសរើសប្រភេទដែលមាន ជាតិសសៃរ (Fiber) ខ្ពស់យ៉ាងហោចណាស់ ៣ ក្រាមក្នុងមួយកញ្ចប់។
Cereals ត្រូវតែស្រួយ ហើយឆ្ងាញ់ដើម្បីងាយស្រួលក្នុងការទទួលទាន និងស្រូបយក Calories ខ្ពស់។ យ៉ាងណា ត្រូវតែញ៉ាំតាមការណែនាំមិន ត្រូវញ៉ាំលើសកំណត់ទេ។
អានបញ្ជីគ្រឿងផ្សំជាមុនសិន ត្រូវរកមើលគ្រឿងផ្សំដែលសំខាន់ៗ និងផ្ដល់ប្រយោជន៍ដល់សុខភាព តែបើឃើញមានស្ករច្រើនហួសកម្រិត អ្នកមិនគួរទិញវានោះទេ។
ជាអាហារដែលសម្បូរទៅដោយប្រូតេអ៊ីន និងជាអ្នកបំពេញសារធាតុចិញ្ចឹមដល់រាងកាយ។ ម៉្យាងទៀតកាត់បន្ថយការ ឃ្លាន ដែលធ្វើឲ្យអ្នករក្សាទម្ងន់បានល្អ។

ប្រសិនបើអ្នកជាមនុស្សដែលចូលចិត្តញ៉ាំផ្អែម រួចបន្ថែមស្ករទៀតនោះ។ អ្នកអាចនឹងប្រឈមមុខទៅនិង ជំងឺទឹកនោមផ្អែម ប្រភេទទីពីរជាក់ជាមិនខាន។ ហេតុនេះគួរតែប្រុងប្រយ័ត្ននៃការហូបចុក ឬទៅពិភាក្សាជាមួយអ្នកជំនាញជាមុនសិន៕

Manulife Cambodia គាំទ្រការស្រលាញ់សុខភាព

ប្រភព៖ healthline ប្រែសម្រួល៖ សុខុន សុម៉ាភាវី

ពាក្យទាក់ទង