iOS 13.1 មានបង្ហើបលក្ខណៈពិសេសនៃកាមេរ៉ា iPhone 11

2019-08-29 06:50:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ការលេចធ្លាយថ្មីៗជុំវិញ iPhone 11 បានបង្ហាញឲ្យច្បាស់លាស់ពីលក្ខណៈមួយចំនួនរបស់វា។ ការលេចធ្លាយចុងក្រោយគេនេះគឺបានមកពី Apple ផ្ទាល់ ដោយសារក្នុងកូដរបស់ iOS 13.1 មានកំណត់ត្រាអំពី Software កាមេរ៉ាទាន់សម័យមួយដែលនឹងមាននៅទូរសព្ទនេះ។

កាលពីថ្ងៃទី ២៧ ខែសីហា ឆ្នាំ២០១៩ Apple បានបញ្ចេញ iOS 13.1 សម្រាប់ Developer។ ក្រៅពីការជួសជុលបញ្ហាមួយចំនួន និងការបន្ថែមលក្ខណៈពិសេសមួយចំនួន គេរកឃើញថា iOS 13.1 និងអាចថតវីដេអូក្នុងស្តង់ដារថ្មី HEVC (H.265) ដែលមានបន្ថែម Alpha Channel។

ឯកសារវីដេអូធម្មតាដែលមិនមាន Alpha Channel រក្សាទុកតែព័ត៌មានទាក់ទងនឹង ពណ៌ (Red Channel, Green Channel, Blue Channel)។ Alpha Channel គឺគេបន្ថែមដាក់ដើម្បីរក្សាទុកព័ត៌មានទាក់ទងនឹងភាពល្អក់(Opacity) ឬភាពថ្លា(Transpanrency)។ គួរបញ្ជាក់ថាភាពល្អក់គឺមិនមែនភាពព្រិលដែលបានប្រើក្នុង Live focus ដូចរបស់ Samsung នោះទេ។

ឧទាហរណ៍កម្រិតភាពល្អក់

Alpha Channel ផ្ដល់សមត្ថភាពឲ្យ iPhone 11 អាចធ្វើការសម្រួលពន្លឺដើម្បីជួយលើកផ្នែកមួយចំនួនឲ្យផុសឡើងស្រដៀង 3D។ វាក៏អាចបែងចែក Background និង Foreground បាន ដែលផ្ដល់សមត្ថភាពឲ្យដល់អ្នកប្រើប្រាស់លុបបំបាត់ Background ហើយប្ដូរដាក់រូបផ្សេងបាននៅពេលកំពុងថតវីដេអូ ដោយមិនពិបាកអង្គុយកាត់ ហើយវាអាចជំនួស Green Screen បាន។ ទាំងអស់នេះអាចប្រព្រឹត្តិឡើងបាន នៅពេលកំពុងថតផ្ទាល់ៗ (Real-time)។