រថយន្តទាំងអស់លើលោក នឹងមានមុខងារថ្មីមួយនៅឆ្នាំ ២០២៥

2019-09-06 02:30:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានឆ្នាំចុងក្រោយនេះ មានក្រុមហ៊ុនផលិតរថយន្តមួយចំនួនតូចបានបង្ហាញចេញបច្ចេកវិទ្យាដាស់តឿនអ្នកបើកបរអំពីកៅអីអង្គុយជួរក្រោយ (Rear Seat Reminder)។ មុខងារនេះនឹងមានជាស្តង់ដារលើរថយន្តម៉ូដែលឆ្នាំ ២០២៥ ទាំងអស់ ក្រោយពីមានការប្ដេជ្ញាពីសហគមន៍យានយន្តសកលហៅកាត់ AAMAGA រួចមក។

ក្រុមហ៊ុនរថយន្តដែលបានបង្ហាញការប្ដេជ្ញាដាក់បញ្ចូលមុខងារនេះលើរថយន្ត មានដូចជា Alfa Romeo, American Honda, Audi, BMW, Fiat Chrysler Automobiles, Ford, GM, Hyundai, Jaguar Land Rover, Kia, Maserati, Mazda, Mercedes, Mitsubishi, Nissan, Porsche, Subaru, Toyota, Volkswagen និង Volvo។

ក្រុមហ៊ុនរថយន្តនីមួយៗនឹងអាចបង្កើតមុខងារនេះតាមវិធីរបស់ពួកគេរៀងៗខ្លួន ប៉ុន្តែវាត្រូវបញ្ចូលនូវមុខងារដែលអាចកំណត់ដឹងថានៅជួរក្រោយមានមនុស្សអង្គុយ ឬ អត់។ ប្រសិនបើមុខងារចាប់បានថាមានមនុស្ស វានឹងផ្ដល់ការឲ្យដំណឹងដល់អ្នកបើកបរដូចជាសំឡេង ឬរូបសញ្ញាផ្សេងៗ ឲ្យអ្នកបើកបរពិនិត្យមើលកៅអីក្រោយមុនចេញពីរថយន្ត។

តាមការលើកឡើងរបស់សហគមន៍យានយន្តសកលបានឲ្យដឹងថា មានក្មេងតូចជាង ៨០០ នាក់ បានបាត់បង់ជីវិតដោយសាររលកកម្ដៅចាប់តាំងពីឆ្នាំ ១៩៩៨ ដែលភាគច្រើនការស្លាប់កើតឡើងដោយសារអាណាព្យាបាលទុកពួកគេចោលក្នុងរថយន្តដោយអចេតនា (ភ្លេចថាមានក្មេងៗនៅកៅអីជួរក្រោយ)៕

ចុចអាន ៖ ចង់ដឹងអត់ថាលេខពិសេស 1111, 2222, 3333, 5555 មានតម្លៃប៉ុន្មាន?

ប្រភព៖ carscoops ប្រែសម្រួល៖ សុខហេង