គ្រូអេស្ប៉ាញ សរសើរ Kubo មិនដាច់ពីមាត់ ក្រោយបង្កើតឱកាសល្អ១យប់មិញ

2019-09-14 02:32:28
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Vicente Moreno គ្រូបង្វឹកក្រុម Real Mallorca បាននិយាយសរសើរសមត្ថភាពកីឡាករវ័យក្មេង Kubo ជប៉ុនខ្លាំងណាស់ ក្រោយពីប្ដូរចូលតង់ទី២ បង្កើតឱកាសបានប៉េណាល់ទី១គ្រាប់។

ក្រុម Real Mallorca លេងក្នុងដីខ្លួនឯងបានត្រឹមស្មើក្រុម Athletic Club ០-០ ប៉ុណ្ណោះ បើទោះជាពួកគេទាំងពីរក្រុមនេះមានឱកាសប៉េណាល់ទីម្នាក់១គ្រាប់ក៏ស៊ុតមិនចូលដូចគ្នា។ ១គ្រាប់របស់ក្រុម Mallorca បង្កើតឡើងដោយ Kubo ញាក់យ៉ាងស្អាតក្នុងប្រអប់គ្រោះថ្នាក់ ធ្វើឱ្យខ្សែការពារទាក់ជើងគេដួល។

ជាមួយការត្រលប់មកពីជម្រើសជាតិជប៉ុន ហើយដាក់ចូលលេងតង់ទី២ ធ្វើបានយ៉ាងល្អនេះ ធ្វើឱ្យលោក Moreno គ្រូបង្វឹកសញ្ជាតិអេស្ប៉ាញនិយាយសរសើរលើ Kubo ថា៖ “Kubo ធ្វើបានល្អណាស់ រហូតយើងបានប៉េណាល់ទីពីបាល់របស់គាត់។ អ្នកគ្រប់គ្នាត្រូវរង់ចាំបន្តិច ព្រោះគាត់នៅក្មេង។ គាត់ពិតជាមានសមត្ថភាពធ្វើបានល្អណាស់”៕