Ronaldo ហូរទឹកភ្នែកមិនដឹងខ្លួន ពេលឃើញ Footage ឪពុកខ្លួនកាលនៅរស់

2019-09-16 02:12:27
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo ហូរទឹកភ្នែកទាំងមិនដឹងខ្លួន ក្រោយពីបានឃើញ footage លោកឪពុកខ្លួន ដែលកាលនៅមានជីវិត និយាយពីអនាគតរបស់គេ។

លោក Jose Dinis Aveiro ឪពុករបស់ Ronaldo ស្លាប់ក្នុងវ័យ៥២ឆ្នាំ គ្រាដែលរូបគេកំពុងចាប់ផ្ដើមអាជីពបាល់ទាត់ ដោយគ្រានោះមិនទាន់បានល្បីខ្លាំងនៅឡើយទេ។ ការបាត់បង់លោកឪពុកជាទីស្រលាញ់នេះ បានធ្វើឱ្យ Ronaldo ពិបាកចិត្តជាខ្លាំងនាគ្រានោះ ប៉ុន្តែដោយសារមានការលើកទឹកចិត្តពីសំណាក់ម្ដាយជាទីគោរព និងញាតិមិត្តផងនោះ CR7 ក៏ប្រែគំនិតខំហាត់លើសដើម រហូតល្បីឈ្មោះក្លាយជាកីឡាករកំពូលលើលោក។

ក្នុងបទសម្ភាសន៍ជាមួយ ITV កាលពីមុនសប្ដាហ៍ រូបគេបានឃើញ footage ឪពុកខ្លួន ដែលទូរទស្សន៍ចាក់ផ្សាយម្ដងហើយ ហើយក៏ធ្វើឱ្យ Ronaldo យំភ្លាមតែម្ដង។ កំពូលកីឡាករលើលោកនេះ បាននិយាយនៅពេលនោះថា៖ “ខ្ញុំគិតថាសម្ភាសន៍គួរតែសប្បាយ ប៉ុន្តែខ្ញុំមិនគិតថាខ្ញុំយំនោះទេ ប៉ុន្តែ... ដឹងទេ ខ្ញុំមិនដែលបានឃើញរូបភាពនេះទេ.. ខ្ញុំមិនដឹងថាអ្នកបានពីណា... ខ្ញុំគួរតែយករូបភាពនេះ ដើម្បីបង្ហាញគ្រួសាររបស់ខ្ញុំ”៕