ទីបំផុត កៅអីអង្គុយកីឡាករនៅស្ដាត ត្រៀមកែលម្អហើយ

2019-09-17 06:44:54
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីព្រឹកមិញនេះ សហព័ន្ធបាល់ទាត់កម្ពុជាបានបើកកិច្ចប្រជុំគណៈកម្មាធិការប្រតិបត្តិនៅបញ្ជាការដ្ឋានកងរាជអាវុធហត្ថលើផ្ទៃ។

ក្នុងកិច្ចប្រជុំនោះមាន៣ចំណុចធំៗដោយមួយចំណុចដែលគួរឱ្យកត់សម្គាល់ក៏មានរឿងកែលម្អកៅអីអង្គុយរបស់កីឡាករផងដែរ ជាមានអ្នកគាំទ្រជាច្រើនចង់ឃើញរឿងនេះ។ បើតាមការបង្ហោះរបស់សហព័ន្ធកិច្ចប្រជុំព្រឹកមិញនេះមាន៖

១. រចនាសម្ព័ននៃអគ្គលេខាធិការដ្ឋានរបស់ ស ប ក

២. ហេដ្ឋារចនាសម្ព័នទីលានបាល់ទាត់ នៅតាមខេត្តដែលបានកំពុងសាងសង់ និងគ្រោងសាងសង់។

៣. ការត្រៀមកែលម្អ និងសំណើរទៅកាន់ក្រសួងសេដ្ឋកិច្ច សម្រាប់ការគាំទ្រហិរញ្ញវត្ថុដើម្បីរៀបចំកៅអីអង្គុយរបស់ទស្សនិកជន និងកៅអីបច្ចេកទេសរបស់កីឡាករ អាជ្ញាកណ្ដាល និង កំរិតពន្លឺនៅពហុកីឡដ្ឋានជាតិ ដើម្បីឱ្យស្របតាមលក្ខណស្តង់ដាបច្ចេកទេសរបស់ សហព័ន្ធបាល់ទាត់ពិភពលោក (FIFA )និង សហព័ន្ធបាល់ទាត់ទ្វីបអាស៊ី (AFC)។

ប៉ុន្មានឆ្នាំនេះដែលកម្ពុជាធ្វើជាម្ចាស់ផ្ទះការប្រកួត FIFA or AFC ហេដ្ឋារចនាសម្ព័នរបស់ពហុកីឡដ្ឋានជាតិ គឺមិនទាន់សមស្របទៅនឺងលក្ខណ:គ្រប់គ្រាន់នៅឡើយទេ តែដើម្បីអោយបងប្អូនអ្នកគាំទ្រវិស័យបាល់ទាត់នៅកម្ពុជា បានចូលរួមទស្សនាផ្ទាល់ សហព័ន្ធកីឡាបាល់ទាត់កម្ពុជាបានស្នើរសុំអោយមានការយោគយល់ពី សហព័ន្ធបាល់ទាត់ពិភពលោក (FIFA )និង សហព័ន្ធបាល់ទាត់ទ្វីបអាស៊ី (AFC) ព្រោះបើតាមលក្ខខណ្ឌគឺ តំបន់ក្នុងកីឡដ្ឋានដែលមិនមានកៅអីអង្គុយត្រឹមត្រូវ គឺមិនអនុញ្ញាតអោយលក់សំបុត្រអោយទស្សនិកជនចូលមើលឡើយ។ ដូច្នេះក្នុងស្ថានភាពដែលកម្ពុជាប្រឈមបច្ចុប្យន្ន សហព័ន្ធបានស្នើសុំលក់សំបុត្រ ដើម្បីអោយបងប្អូនអាចចូលទស្សនាគាំទ្រក្រុមជម្រើសជាតិ៕

អត្ថបទ៖ ប្រុស យុទ្ធ