បើកលឿនៗពេក! ស្រុកថៃ នឹងកំណត់ច្បាប់ថ្មីម៉ូតូធំមិនឲ្យល្បឿនលើស ៨០ គ.ម

2019-09-26 02:49:01
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ ក្រសួងសាធារណការនិងដឹកជញ្ជូនប្រទេសថៃ គ្រោងនឹងដាក់ចេញនូវសេចក្តីប្រកាសមួយអំពី ល្បឿនកំណត់អតិបរមាសម្រាប់ម៉ូតូធំ ក្រោមហេតុផលកាត់បន្ថយគ្រោះថ្នាក់ចរាចរណ៍ និងការពារសុវត្ថិភាពអ្នកបើកបរផងដែរ។

រូបតំណាង

យោងតាមប្រភពដដែលបានឲ្យដឹងថា ក្រសួងនឹងកំណត់ថា ម៉ូតូម៉ូតូធំ(មិនបញ្ជាក់កម្លាំងម៉ាស៊ីន) ត្រូវតែបើកបរមិនឲ្យលើស ៨០ គីឡូម៉ែត្រក្នុងមួយម៉ោង។ ជាងនេះទៀត ផ្លូវសម្រាប់ម៉ូតូ នឹងមានគន្លងដូចរថយន្ត(តម្រង់ជួរ) ចំណែកអ្នកបើកបរ ដែលអាចកាន់ចង្កូតម៉ូតូបាន លុះត្រាណា មានប័ណ្ណបើកបរចេញដោយក្រសួង(ឆ្លងកាត់ការប្រឡងច្បាស់លាស់)។

សម្រាប់ជនបរទេស អាចជួលបាន លុះត្រាណា មានប័ណ្ណបើកបរដូចគ្នា ទើបអាចជួលពីម្ចាស់កម្មសិទ្ធិយកមកចរាចរណ៍លើដងផ្លូវបាន។

ត្បិតតែមានការលើកឡើងបែបនេះពីសំណាក់មន្ត្រីពាក់ព័ន្ធក៏ពិតមែន ប៉ុន្តែច្បាប់នេះមិនទាន់ចូលជាធរមាននៅឡើយទេ៕

ប្រភព៖ paultan ប្រែសម្រួល៖ រក្សា