រថយន្តមួយផលិតដោយចិន មិនចាញ់ Rolls-Royce សូម្បីមេដឹកនាំចិនក៏ជិះ

2019-10-01 06:16:16
ចំនួនមតិ 0 | ចំនួនចែករំលែក 0

ចន្លោះមិនឃើញ

យើងតែងដឹងហើយថាម៉ាករថយន្ត Rolls-Royce គឺស្ថិតនៅលើគេបង្អស់ក្នុងរថយន្តប្រភេទរថយន្តប្រណីតដែលរថយន្តប្រភេទនេះតែងមានតម្លៃថ្លៃ មានប្រើគ្រឿងផលិតពីឈើប្រណីត ហើយកៅអីអង្គុយទូលាយ។ ក្រៅពីនេះរថយន្តមានសភាពស្ងប់ស្ងាត់ ទោះបីវាមានម៉ាស៊ីន V12 ក៏ដោយ។

ប៉ុន្តែ Rolls-Royce មានគូប្រជែងមកពីប្រទេសចិនមានឈ្មោះថា Hongqi ដែលបកប្រែមកពីភាសាចិនថាទង់ក្រហម។ រថយន្តសំខាន់ជាងគេដែលពួកគេផលិតគឺ Hongqi L5 ដោយសូម្បីតែប្រធានាធិបតីចិនលោក Xi Jingping ក៏ជិះរថយន្តនេះដែរ។

ផ្ទៃខាងក្នុងរបស់រថយន្តនេះមានបិតឈើក្រញូង ដៃទាញបើកទ្វារឡានមានបិតហ្គិចពណ៌ស Logo រាងផ្កាឈូករ័ត្នធ្វើអំពីមាសបិតនៅកណ្ដាលចង្កូត ហើយមានអេក្រង់ Touch Screen នៅចំកណ្ដាល។ រថយន្តមាន Option ម៉ាស៊ីនពីរគឺ ម៉ាស៊ីន V8 មាន Turboទំហំ ៤ លីត្រ ហើយម៉ាស៊ីន V12 ទំហំ ៦ លីត្រ។

រថយន្តនេះគឺផលិតសម្រាប់កាត់បន្ថយការនាំចូលនៃរថយន្តផលិតដោយបរទេស ដោយសារចិនគឺជាប្រទេសលេខមួយក្នុងការនាំចូលរថយន្តប្រភេទ Luxury។ ក្រុមហ៊ុន Hongqi នេះគឺជាក្រុមហ៊ុនផលិតរថយន្តចាស់ជាងគេក្នុងប្រទេសចិនដែលចាប់ផ្ដើមផលិតរថយន្តដំបូងតាំងពីឆ្នាំ១៩៥៨ ហើយក្រុមហ៊ុននេះជាកម្មសិទ្ធិរបស់រដ្ឋាភិបាលចិន ១០០%៕