សម្ងំលក់ Like ក្លែងក្លាយកើបបានជិត ១០ លានដុល្លារ ទីបំផុតត្រូវ Facebook ចាប់បានហើយ

2019-10-04 01:53:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Facebook បានចាត់វិធានការដោះស្រាយតាមនីតិវិធីច្បាប់ទៅលើក្រុមហ៊ុនក្នុងប្រទេសនូវែលហ្សេឡង់មួយ ដែលបានលក់ Like ក្លែងក្លាយនៅលើបណ្ដាញសង្គម Instagram របស់ខ្លួន។

នោះគឺក្រុមហ៊ុន Social Media Series Limited ដែលកំពុងរងការចោទប្រកាន់ពីបទរំលោភលើច្បាប់សន្តិសុខតាមអ៊ីនធឺណិត ដោយដោះដូរយកប្រាក់របស់អ្នកប្រើប្រាស់ជាថ្នូរផ្តល់ជូននូវការផ្សព្វផ្សាយមាតិកាបង្ហោះក្លែងក្លាយ។ អំឡុងពេលដំណើរការអស់មួយរយៈមកនេះ ក្រុមហ៊ុនខាងលើកើបចំណូលបានខ្ទង់ ៩,៤ លានដុល្លាររួចមកហើយ។

ក្រុមហ៊ុន Facebook ក៏បានរៀបចំឯកសារដាក់ពាក្យបណ្ដឹងទៅកាន់តុលាការនៅរដ្ឋ California ហើយមកទល់ពេលនេះប្រតិបត្តិការផ្នែកច្បាប់បានចេញសេចក្ដីសម្រេចថាបុគ្គល ៣ រូបដែលពាក់ព័ន្ធក្នុងក្រុមហ៊ុននោះត្រូវបង់នូវទឹកប្រាក់សរុបចំនួន ៥០០ ០០០ ដុល្លារអាមេរិក ។

បញ្ជាក់ថាជារឿយៗ Facebook បានដុតដៃដុតជើងយ៉ាងសកម្មលើការលុបបំបាត់នូវគណនីក្លែងក្លាយ និងការបង្កើតនូវសកម្មភាពដែលមិនមែនជាការពិតលើបណ្តាញសង្គមរបស់ខ្លួន ដោយកាលពីពេលកន្លងទៅក្រុមហ៊ុនក៏ធ្លាប់ប្ដឹងផ្ដល់ដល់ស្ថាប័នលក់ Like និង Follower ក្លែងក្លាយចំនួន ៤ ក្នុងប្រទេសចិនដូចគ្នា ហើយបានធ្វើការបិទចោលគណនីក្លែងក្លាយអស់ជាង ១,៥ ពាន់លានគណនីទៀតផង៕

អានអត្ថបទ:

ប្រភព៖ engadget ប្រែសម្រួល៖ កៅ រក្សា