MG ប្រកាសចេញរថយន្ត SUV ៧ កៅអី តម្រូវចិត្តអ្នកមានគ្រួសារធំ (វីដេអូ)

2019-10-14 03:23:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន MG Motor បានប្រកាសចេញនូវរថយន្ត SUV RX8 ដែលនឹងត្រូវដាក់លក់ឆាប់ៗនេះនៅអគារតាំងបង្ហាញនៅភ្នំពេញតាមបណ្ដោយមហាវិថីសហព័ន្ធរុស្ស៊ី។

វាគឺជារថយន្តប្រភេទ SUV មាន ៧ កៅអីដំបូងគេរបស់ក្រុមហ៊ុនចក្រភពអង់គ្លេសមួយនេះ។ ក្រុមហ៊ុនបានបញ្ជាក់ថា RX8 នឹងឈានដល់បន្ទប់តាំងបង្ហាញនៅមជ្ឈិមបូព៌ានៅចុងខែតុលានេះ។

ក្រុមហ៊ុន MG បានបញ្ជាក់ថា RX8 នឹងក្លាយជារថយន្តដែលមានចន្លោះកង់មុខក្រោយវែងជាងគេបំផុតដែលឈានចូលទៅរកទីផ្សាររថយន្តឆាប់ៗដែលមិនធ្លាប់មានវត្តមានពីមុនមក។

រថយន្តប្រភេទ SUV ៧ កៅអី ដែលជាប្រភេទ 4WD (អូសកង់បួន) ដែលមានបំពាក់យ៉ាងពេញលេញជាមួយនិងរបៀបបើកបរចំនួន ៦ បែប ។ វាត្រូវបានបំពាក់ដោយ Ladder Frame Chassis ដែល MG ធ្វើឡើងយ៉ាងពិសេស មានសមត្ថភាពក្នុងការគ្រប់គ្រងលើស្ថានភាពផ្លូវពិបាកបំផុត។ វាបំពាក់ដោយម៉ាស៊ីនប្រើ Turbo ចំណុះ ២,០ លីត្រដែលផលិតកម្លាំង ២២០ សេះ។

ក្រុមហ៊ុន MG បានបោះជំហានដ៏ធំមួយនៅក្នុងទីផ្សាររថយន្ត SUV ដោយទាមទារចំណែកទីផ្សាររឹងមាំលើទំហំពាក់កណ្ដាលជាមួយនឹង MG RX5 និងប្រភេទ Crossover ជាមួយ MG ZS។

ម៉ាកយីហោ MG កំពុងរីកចម្រើននៅក្នុងតំបន់ដូចជាប្រទេសថៃនិងហ្វីលីពីន និងនៅទូទាំងពិភពលោក។ ការលក់សរុបទូទាំងពិភពលោកសម្រាប់ឆមាសទី ១ នៃឆ្នាំ ២០១៩ លើសពី ១២ ម៉ឺនគ្រឿង។

នាយកគ្រប់គ្រងក្រុមហ៊ុន MG បានពន្យល់ថា ៖ “នៅពេលយើងចូលទឹកដីដែលមិនមានការផ្លាស់ប្តូរសម្រាប់យីហោ RX 8 ថ្មីនេះ ខ្ញុំជឿជាក់ថាយើងអាចផ្តល់ជូននូវរថយន្តប្រភេទ SUV ៧ កៅអីដែលល្អបំផុតសម្រាប់ទីផ្សារដែលក្លាយជាផ្នែកមួយដែលមានប្រជាប្រិយភាពខ្លាំងនៅកម្ពុជា”៕