ឡានអគ្គិសនីដំបូងរបស់ Lexus បង្ហាញមុខសាកមួយពេញជិះបាន ៤០០ គីឡូម៉ែត្រ
- 2019-11-25 04:02:00
- ចំនួនមតិ 0 | ចំនួនចែករំលែក 0
ឡានអគ្គិសនីដំបូងរបស់ Lexus បង្ហាញមុខសាកមួយពេញជិះបាន ៤០០ គីឡូម៉ែត្រ
ចន្លោះមិនឃើញ
នៅក្នុងកម្មវិធីតាំងបង្ហាញរថយន្ត Guangzhou Auto Show ក្នុងប្រទេសចិន ក្រុមហ៊ុន Lexus បានបង្ហាញចេញរថយន្តប្រើប្រាស់ថាមពលអគ្គិសនីសុទ្ធរបស់ខ្លួនជាផ្លូវការ ដែលវាជារថយន្តអគ្គិសនីដំបូងរបស់ក្រុមហ៊ុនសម្រាប់លក់លើទីផ្សារ។
រថយន្តអគ្គិសនីនេះគឺផលិតដោយផ្អែកលើរូបរាងរបស់ Lexus UX ចេញកាលពីឆ្នាំមុន ដែលវាមានឈ្មោះថា Lexus UX 300e ដែលរូបរាងរបស់វាគឺដូចគ្នាបេះដាក់ទៅនឹង Lexus UX ដែលប្រើប្រាស់ម៉ាស៊ីនសាំង។
Lexus UX 300e ប្រើប្រាស់ម៉ូទ័រអគ្គិសនីដែលអាចផលិតកម្លាំងបាន ២០១ សេះ ដែលវាបានថាមពលពីអាគុយដែលមានចំណុះ ៥៤,៣ គីឡូវ៉ាត់ម៉ោង។ អាគុយនេះអាចធ្វើដំណើរបានចម្ងាយ ៤០០ គីឡូម៉ែត្រ ពេលសាកបំពេញម្ដង។
ដោយសារមានបំពាក់អាគុយនេះ ទម្ងន់របស់ Lexus UX 300e មានរហូតដល់ ១ ៩០០ គីឡូក្រាម ដែលធ្ងន់ជាង UX ធម្មតាប្រមាណ ៤០០ គីឡូក្រាម។ ហេតុនេះហើយ Lexus បានធ្វើការកែសម្រួលបូមលើរថយន្តដើម្បីអាចគ្រប់គ្រងលំនឹងបានល្អជាងមុន។
បន្ថែមពីនេះ Lexus UX 300e មានភ្ជាប់នូវកម្មវិធីទូរសព្ទមួយ ដែលអ្នកបើកបរអាចត្រួតពិនិត្យស្ថានភាពនៃការសាកថ្ម រយៈចម្ងាយដែលអាចជិះបានទៅមុខទៀត និងអាចបញ្ជាពីចម្ងាយលើម៉ាស៊ីនត្រជាក់ និងកៅអីកម្ដៅជាដើម។ Lexus UX 300e នឹងលក់នៅចិន និងអឺរ៉ុបនៅឆ្នាំ ២០២០ ហើយនៅជប៉ុនចាប់ផ្ដើមលក់នៅដើមឆ្នាំ ២០២១៕
ចុចអាន ៖ បណ្ដុំរូបភាពឡានភីកអាប់ Tesla មិនប្រើប្រេងសាំង