Apple ប្ដូរការបង្ហាញនៃតំបន់ Crimea ដើម្បីតម្រូវចិត្តរដ្ឋាភិបាលរុស្ស៊ី

2019-11-28 03:50:40
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានផ្លាស់ប្ដូរការបង្ហាញនៃតំបន់ Crimea នៅក្នុងកម្មវិធី Maps និង Weather របស់ខ្លួន ក្រោយមានការទាមទារពីរុស្ស៊ី។

សកម្មភាពដែលមានការរិះគន់ពេញពិភពលោកនៅឆ្នាំ ២០១៤ គឺរុស្ស៊ីបានដណ្ដើមយកតំបន់ Crimea ពីប្រទេសអ៊ុយក្រែន។ នៅពេលនេះការចុះផ្សាយរបស់ BBC បានឲ្យដឹងថា Apple បានកែសម្រួលការបង្ហាញតំបន់ Crimea នៅលើកម្មវិធី Maps និង Weather ដែលធ្វើឲ្យតំបន់នេះមានការបង្ហាញខុសគ្នាពេលមើលនៅក្នុងប្រទេសរុស្ស៊ី និងក្រៅប្រទេសរុស្ស៊ី។

អ្នកប្រើប្រាស់ Apple នៅរុស្ស៊ី នឹងឃើញការបង្ហាញបែបនេះក្នុងកម្មវិធី Weather៖

ចំណែកអ្នកប្រើប្រាស់នៅក្រៅទឹកដីប្រទេសរុស្ស៊ីនឹងឃើញសភាពបែបនេះ ៖

Apple បានពិភាក្សាជាមួយរដ្ឋាភិបាលរុស្ស៊ីជាច្រើនខែជុំវិញបញ្ហានេះ និងបានចាត់ទុកតំបន់ Crimea ជាដែនដីមិនច្បាស់លាស់មួយ។ ប៉ុន្តែចុងក្រោយ Apple បានអនុវត្តន៍តាមការចង់បានរបស់រុស្ស៊ី។

ផ្ទុយទៅវិញនៅលើ Google Maps មានបង្ហាញតំបន់ Crimea ជាដែនដីច្បាស់លាស់ ប៉ុន្តែមានប្រើប្រាស់ការប្រកបតាមភាសារុស្ស៊ី ជំនួសឲ្យភាសាអ៊ុយក្រែន៕

ប្រភព៖ 9to5Mac ប្រែសម្រួល៖ សុខហេង