ក្រុមហ៊ុនបច្ចេកវិទ្យាប្រណីតរុស្ស៊ី Caviar បានបញ្ចេញទូរសព្ទ iPhone 11 Pro ដែលឌីហ្សាញរាងជ្រុងៗ កាត់តាមរថយន្តភីកអាប់អគ្គិសនី Tesla Cybertruck។

ទូរសព្ទនេះត្រូវបានស្រោបដោយសំបកប្រភេទទីតានីញ៉ូម ដែលបំផុសគំនិតឌីហ្សាញតាមរថយន្ត Tesla Cybertruck ហើយត្រូវបានគេហៅថា Cyberphone។

យើងអាចមើលឃើងយ៉ាងច្បាស់នូវកាមេរ៉ា ៣គ្រាប់នៅខាងក្រោយខ្នងរបស់វា ខណៈផ្នែកខាងមុខត្រូវបានក្របដោយសំបក។ ទោះជាយ៉ាងណា សំបកនោះអាចបើក និងដើរតួជាជើងតម្របានទៀតផង។

ក្រុមហ៊ុន Caviar បានដាក់លក់ Cyberphone ក្នុងតម្លៃរហូតដល់ទៅ ៥ ០០០ដុល្លារឯណោះ ហើយផលិតត្រឹមតែ ៩៩គ្រឿងប៉ុណ្ណោះ។

យ៉ាងណាមិញ Cyberphone នៅតែមានលក្ខណៈដូច iPhone 11 Pro ធម្មតា គឺ កាមេរ៉ាក្រោយ ៣គ្រាប់, អេក្រង់ ៥,៨អ៊ីង និងប្រើបន្ទះឈីប A13 Bionic ជាដើម៕

ប្រភព៖ Carbuzz   ប្រែ​សម្រួល៖ សេង ឡុង