ក្លឹប៤ដែលចំណេញខ្លាំងពីទណ្ឌកម្មរបស់ City នៅពានទ្វីបអឺរ៉ុប

2020-02-18 04:05:08
ចំនួនមតិ 0 | ចំនួនចែករំលែក 0

ចន្លោះមិនឃើញ

Manchester City បានជាប់ពិន័យមិនឲ្យលេងគ្រប់កម្មវិធីអឺរ៉ុបមានដូចជា UEFA Champions League, Europa League សម្រាប់២រដូវកាលបន្ទាប់។

ការពិន័យនេះធ្វើឡើងក្រោយ UEFA រកឃើញថាក្រុមរហស្សនាមពណ៌ផ្ទៃមេឃបានរំលោភយ៉ាងធ្ងន់ធ្ងរនូវច្បាប់ "តុល្យភាពហិរញ្ញវត្ថុ" ដោយពួកគេបានចំណាយលុយច្រើនលើសចំណូលដើម្បីទិញដូរកីឡាករនៅអំឡុងប៉ុន្មានរដូវកាលចុងក្រោយ។ មានក្លឹប៤ដែលចំណេញពីទណ្ឌកម្មរបស់ City៖

#១ Liverpool

២រដូវកាលចុងក្រោយនេះក្លឹបនៅ Premier League មានតែ Manchester City និង Liverpool ប៉ុណ្ណោះដែលប្រកួតប្រជែងគ្នាដណ្ដើមពាន។ បើក្របខ័ណ្ឌកំពូលអង់គ្លេសសម្រេចដាក់ទណ្ឌកម្មលើ City មិនថាកាត់ពិន្ទុ ឬទម្លាក់ទីលីគទីពីរនៅរដូវកាលក្រោយគឺសុទ្ធតែមានផលចំណេញដល់ Liverpool ក្នុងការបន្តធ្វើព្យុះភ្លៀងនៅ Premier League។

#២ Manchester United

ទទួលស្គាល់ការពិតថា United ធ្លាប់ជាក្រុមខ្លាំងនៅអង់គ្លេស ប៉ុន្តែបច្ចុប្បន្នកុំថាឡើយនៅអង់គ្លេសសូម្បីនៅទីក្រុងមេសឆេសស្ទ័រ ក៏ពួកគេមិនមែនជាក្រុមខ្លាំងដាច់គេដូចពីមុនដែរដោយសារភាពខ្លាំងក្លារបស់ City។ ក្នុងករណីដែលអ្នកជិតខាងត្រូវរងទណ្ឌកម្មពីទ្វីបអឺរ៉ុបនោះអ្នកចាត់ការ ឬកីឡាករល្បីៗអាចចាកចេញពីក្លឹប ដូច្នេះ United នឹងក្លាយជាក្រុមល្អផ្ដាច់គេក្នុងទីក្រុងសារជាថ្មី។

៣# Chelsea និង Tottenham

Chelsea បច្ចុប្បន្នឈរលេខ៤ ខណៈ Tottenham ឈរលេខ៥ដូច្នេះបើសិនពួកគេរក្សាចំណាត់ថ្នាក់នេះដល់ចុងរដូវកាលក្លឹបទាំងពីរនឹងមានកៅអី Champions League នៅរដូវកាលក្រោយដោយសារទណ្ឌកម្មរបស់ Manchester City នៅពានអឺរ៉ុប៕