ពេជ្រ ប៊ុនសិទ្ធ៖ ទាំងទាត់ និងកណ្ដាប់ដៃសុទ្ធតែធ្ងន់ អនាគតនឹងក្លាយជាកីឡាករល្បីក្នុងគុនខ្មែរ

2020-03-25 02:04:41
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យទើប២០ឆ្នាំ ពេជ្រ ប៊ុនសិទ្ធ មានទម្រង់វ៉ៃល្អ ខណៈស្នៀតទាត់ និងកណ្ដាប់ដៃគឺធ្ងន់ អនាគតនឹងក្លាយជាជើងខ្លាំងមួយរូបក្នុងវិស័យប្រដាល់គុនខ្មែរនេះ។

រូបភាពផ្ដល់ជូន

ពេជ្រ ប៊ុនសិទ្ធ ត្រូវបានអ្នកតាមដានគុនខ្មែរ រួមនិងគ្រូរបស់ខ្លួនសរសើរថាជាកីឡាករល្អ និងមានសមត្ថភាពមួយរូប។ អ្នកប្រដាល់រូបនេះមានជំហររឹងមាំ ប្រកួតខ្ទង់៥០ដងប៉ុណ្ណោះ តែក្បាច់ច្បាស់លាស់ ចេះបិទការពារល្អ ជាពិសេសការទាត់ និងម៉ាត់រហ័សហើយធ្ងន់ល្អតែម្ដង។

ចំណែកលោក ពេជ្រ សុផាន ដែលជាគ្រូបង្វឹករបស់ ប៊ុនសិទ្ធ បានឲ្យដឹងថា កូនសិស្សរបស់ខ្លួនម្នាក់នេះគឺខំប្រឹងប្រឹងហ្វឹកហាត់បានល្អ និងតស៊ូចេះស្ដាប់បង្គាប់។ រាល់ការបង្ហាត់បង្រៀនគឺគេយកចិត្តទុកដាក់ ដូច្នេះហើយទើបកីឡាកររូបនេះមានសមត្ថភាពល្អ និងលេចធ្លោ។

រូបភាពផ្ដល់ជូន

អតីតអ្នកប្រដាល់ជំនាន់មុនខាងលើបញ្ជាក់ទៀតថា ប៊ុសិទ្ធ ឥលូវនេះគេល្អហើយ ចំណែកសមត្ថភាពក៏មានដែរ នៅចាំតែការផ្ដល់ឱកាសពីបណ្ដាសង្វៀននានាឲ្យវ៉ៃបរទេសបានច្រើនជាងនេះនោះទេ។ នៅពេលគេបានឈានដល់វ៉ៃបរទេសហើយនោះ គឺជាពេលដែលល្បីហើយអាចនឹងស្ថិតនៅក្នុងចំណោមកីឡាករដែលចាំវ៉ៃអន្តរជាតិប៉ុណ្ណោះ។

រូបភាពផ្ដល់ជូន

ពេជ្រ ប៊ុនសិទ្ធ ជាកូនសិស្សលោក ពេជ្រ សុផាន ស្ថិតនៅក្នុងក្លឹប ចលនាយុវជន ១៥៧គុនខ្មែរ។ ប្រកួតចុងក្រោយរបស់គេផ្ដួលជើងខ្លាំងថៃ Bandasak ឲ្យសន្លប់ក្នុងទឹកទី៥ លើសង្វៀន PNN កាលពីថ្ងៃអាទិត្យ ទី១៥ មីនា ២០២០៕

វីដេអូប្រកួតកន្លងទៅ៖