Fan សួរ១សំណួរពាក់ព័ន្ធ Liverpool កីឡាករ Sterling ឆ្លើយតបបែបនេះ
- 2020-03-25 06:21:17
- ចំនួនមតិ 0 | ចំនួនចែករំលែក 0
Fan សួរ១សំណួរពាក់ព័ន្ធ Liverpool កីឡាករ Sterling ឆ្លើយតបបែបនេះ
ចន្លោះមិនឃើញ
ក្នុងវគ្គសួរសំណួរលើបណ្ដាញ Instagram នៃភ្នាក់ងាររបស់កីឡាករ Raheem Sterling មានអ្នកគាំទ្រម្នាក់បានសួរថា តើខ្សែប្រយុទ្ធអង់គ្លេស អាចនឹងពិចារណាត្រឡប់ទៅ Liverool វិញដែរឬទេ?
ជាការឆ្លើយតប Sterling បានឱ្យដឹងរូបគេពិតជាស្រលាញ់ក្លឹបហង្សក្រហមខ្លាំង ហើយក្ដីស្រលាញ់របស់គេចំពោះក្លឹបនៅទឹកដី Anfield មួយនេះ មិនសាបសូន្យឡើយ។
ខ្សែប្រយុទ្ធស្លាបក្រុមមេឃខៀវ Manchester City បានបញ្ជាក់ថា ៖«និយាយឱ្យស្មោះត្រង់ ខ្ញុំស្រលាញ់ Liverpool។ កុំយល់ច្រឡំ ពួកគេតែងតែនៅក្នុងចិត្តខ្ញុំជានិច្ច។ ពួកគេជាក្រុមមួយ ដែលជួយឱ្យខ្ញុំធំធាត់»។
ទោះបីជាយ៉ាងណា Sterling បានបដិសេធត្រឡប់ទៅ Liverpool វីញ។ Sterling បានចូលរួមជាមួយយុវជន Liverpool ពីក្លឹប Queens Park Ranger ក្នុងឆ្នាំ២០១០ មុនពេលបង្ហាញខ្លួនជាលើកដំបូងឱ្យឈុតធំជាលើកដំបូង ក្នុងការប្រកួតតទល់ Wigan កាលពីឆ្នាំ២០១២ ដែលកាលនោះរូបគេមានអាយុ១៧ឆ្នាំ។
ជម្រើសជាតិអង់គ្លេសវ័យ២៥ឆ្នាំ បានបង្ហាញខ្លួនគ្រប់ការប្រកួតទាំងអស់នៅ Liverpool ១២៩ប្រកួត រកបាន២៣គ្រាប់ មុនចេញទៅ Manchester City ក្នុងតម្លៃខ្លួន ៤៩ លានផោន៕