កីឡដ្ឋានធំៗនៅអង់គ្លេស អាចនឹងយកប្រើជាកន្លែងព្យាបាលអ្នកជំងឺ Covid-19

2020-04-03 04:28:53
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡដ្ឋានធំៗនៅអង់គ្លេស អាចនឹងប្រើដើម្បីធ្វើជាមន្ទីរពេទ្យបណ្ដោះអាសន្នព្យាបាលអ្នកជំងឺ Covid-19 ដែលកំពុងកើនឡើងខ្លាំង។

ក្លឹបធំៗជាច្រើនដូចជា Man Utd និង Chelsea បានយល់ព្រមដើម្បីយកកីឡដ្ឋានខ្លួនកែច្នៃធ្វើជាមន្ទីរពេទ្យជួយព្យាបាលអ្នកជំងឺ Covid-19 ហើយ។ ដោយនេះជាជំហានមួយទៀតសម្រាប់រដ្ឋាភិបាលអង់គ្លេស ក្នុងការប្រយុទ្ធប្រឆាំងជាមួយមេរោគ Covid-19 ដែលកំពុងផ្ទុះខ្លាំង និងឆ្លងយ៉ាងលឿនមិនទាន់មានការថយចុះនោះទេ។

នៅពេលថ្មីៗនេះ កន្លែងផ្ញើឡានក្រោមដីរបស់ក្រុម Spurs ត្រូវបានយកធ្វើជាកន្លែងតេស្ដរកថ្នាំព្យាបាលមេរោគ Covid-19 ផងដែរ។ ខណៈដែលផ្សារទំនើបធំៗដទៃទៀត ក៏បានត្រៀមជាស្រេចក្នុងការកែច្នៃ យកធ្វើជាកន្លែងសម្រាប់បម្រើការងារប្រយុទ្ធប្រឆាំងមេរោគ Covid-19 ផងដែរ។ សម្រាប់ក្រុម Chelsea វិញ ក៏បានយកសណ្ឋាគាររបស់ខ្លួនដែលមាន៧២បន្ទប់ ឱ្យខាងសុខាភិបាលយកទៅប្រើប្រាស់រួចហើយដែរ។

នៅអង់គ្លេស បច្ចុប្បន្នមានអ្នកឆ្លងមេរោគ Covid-19 រហូតដល់ជាង៣ម៉ឺននាក់ និងអ្នកស្លាប់មានប្រមាណជា៣ពាន់នាក់ហើយ។ អង់គ្លេស គិតមកដល់ពេលនេះ បានធ្វើតេស្ដរកមេរោគលើពលរដ្ឋបានជិត២សែននាក់ហើយ៕

ប្រភព៖ Dailymail អត្ថបទ៖ វ៉ាន់ សក្ដិ