Key Ingredient Tablet មានមុខម្ហូបជាង ២ លានសម្រាប់អ្នកចូលចិត្តធ្វើម្ហូប

2014-12-02 17:40:01
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ចុងភៅ និងអ្នកចូលចិត្តចម្អិនម្ហូបអាហារ Key Ingredient គឺជា Tablet ដ៏សក្ដិសមសម្រាប់ប្រើជាជំនួយការផ្ទះបាយរបស់អ្នក។ នេះមានន័យថា មុខម្ហូបរាប់លានមុខដែលអ្នកចង់ចម្អិនគឺស្ថិតនៅនឹងចុងម្រាមដៃអ្នកតែម្ដង។

Tablet ជំនាញខាងម្ហូបនេះមានបំពាក់ប្រព័ន្ធ WiFi មានអេក្រង់ទំហំ ៨,២ អ៊ីញ និងអាចឲ្យអ្នកប្រើប្រាស់បើកមើលវិធីចម្អិនម្ហូបដល់ទៅជាង ២ លានមុខនៅក្នុងនោះ។ ចំពោះមុខម្ហូបដែលអ្នកបានជ្រើសរើសធ្វើម្ដងហើយ វានឹងរក្សាទុក និងរៀបចំយ៉ាងមានរបៀបដាច់មួយឡែកក្នុងសៀវភៅចម្អិន ហើយក្រៅពីនេះអ្នកក៏អាចបញ្ចូលមុខម្ហូប និងវិធីចម្អិនផ្ទាល់ខ្លួនដែរ។

Key Ingredient មានបំពាក់លក្ខណៈសម្បត្តិពិសេសមួយចំនួនដូចជា មានគម្របស៊ីលីកូនដើម្បីការពារការខ្ទាតប្រឡាក់ និងកម្ដៅនៅផ្ទះបាយ។ វាមានស្រោមដែលអាចឲ្យដាក់ផ្ដេក ឬបញ្ឈរងាយស្រួលមើលក្នុងពេលចម្អិន។ កាន់តែអស្ចារ្យទៀត បច្ចេកវិទ្យាអានអត្ថបទទៅជាសំឡេងអាចឲ្យឧបករណ៍មួយនេះអានមុខម្ហូប និងវិធីចម្អិនពីមួយដំណាក់កាលទៅមួយដំណាក់កាលលឺៗមិនបាច់ឲ្យចុងភៅហត់ដើរមក Scroll ចុះឡើងឡើយ។ ក្រៅពីប្រើជា Tablet សម្រាប់ជួយដល់ចុងភៅ Tablet មួយនេះក៏អាចប្រើសម្រាប់ស្តាប់ចម្រៀង បើកវីដេអូ លេងហ្គេម និងលេងអ៊ីនធឺណិតដូច Tablet ដទៃទៀតដែរ។

វាមានតម្លៃ ១៥០ ដុល្លារ និងកំពុងដាក់លក់នៅលើទីផ្សារបច្ចុប្បន្ន៕

ប្រែសម្រួល៖ សីហា ប្រភព៖ gizmag