ព្រាប សុវត្ថិ ជិះ Ford និង Range Rover នាំទាំងប្រពន្ធ ទាំងកូនទៅលេងបុណ្យសមុទ្រ

2014-12-16 18:35:20
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀង លោក ព្រាប សុវត្ថិ នៅថ្ងៃបុណ្យសមុទ្រ កាលពីពេលកន្លងទៅ មិនត្រឹមតែទៅច្រៀងតែម្នាក់ឯងទេ ប៉ុន្តែ តារាចម្រៀងល្បីឈ្មោះម្នាក់នេះ បាននាំប្រពន្ធកូនទៅជាមួយថែមទៀតផង ដោយលោកបានជិះ Ford និង Range Rover។

លោក ព្រាប សុ វត្តិ បានធ្វើដំណើរ មកដល់ខេត្តកោះកុង ដើម្បីច្រៀងក្នុងពិធីបុណ្យសមុទ្រ នៅថ្ងៃទី ១៣ គឺចំថ្ងៃឡើងច្រៀងតែម្ដង ខណៈដែល តារាចម្រៀងក៏ដូចជាតារាសម្ដែងផ្សេងៗទៀតទៅតាំងតែពីថ្ងៃទី ១១ មុន ២ ថ្ងៃ នៃកម្មវិធីសម្ដែងសិល្បៈជាផ្លូវការចាប់ផ្ដើម។

តារាចម្រៀងល្បីឈ្មោះម្នាក់នេះ បានមកស្នាក់នៅសណ្ឋាគារ កោះកុងរីសត ជិតច្រកអន្តរជាតិកម្ពុជា-ថៃ ចាំយាម ក្រោមការរៀបចំទុកជាមុនរបស់អ្នករៀបចំកម្មវិធីបុណ្យជាតិ។ គ្រាន់តែរថយន្ត Ford របស់តារាចម្រៀងព្រាប សុវត្ថិ ចូលមកដល់សណ្ឋាគារភ្លាម មនុស្សគ្រប់គ្នាដែលនៅទីនោះឃើញ តាមមើលស្ទើរគ្រប់ៗគ្នា ត្បិតអីរថយន្តរបស់លោកមានលក្ខណៈពិសេសទំនើបជាងគេ ហើយថែមទាំងវែងទៀតផង។ បែបនេះក្ដីតារា លោក ព្រាប សុវត្ថិ មិនបានជិះរថយន្ត Ford នោះឡើយ គឺលោកបានជិះ Range Rover ជាមួយភរិយា ព្រមទាំងកូនៗរបស់លោកទៅវិញ ដោយរថយន្ត Ford ទុកឲ្យក្រុមរាំរបស់លោកជាអ្នកជិះ។

វត្តមានរបស់លោក ព្រាប សុវត្ថិ មានការគាំទ្រ ពីទស្សនិកជន ដែលមកទស្សនាពិធីបុណ្យសមុទ្រជាច្រើន ក្នុងនោះដែរ មិនមែនមានតែទស្សនិកជនខ្មែរទេ ប្រជាជនថៃក៏ដូចជាអាជីវករថៃ ក៏មកទស្សនា និង ស្ដាប់ចម្រៀងរបស់លោកព្រាប សុវត្ថិ ផងដែរ។

លោកព្រាប សុវត្ថិ បាននិយាយប្រាប់ Sabay មុននឹងលោកឡើងច្រៀងដោយខ្លីថា លោកបាននាំទាំងគ្រួសារមកតែម្ដង ព្រោះតាមធម្មតានៅពេលដែលមានកម្មវិធីបុណ្យជាតិធំៗ លោកតែងតែនាំភរិយានិង កូនមកជាមួយជានិច្ច៕

អានអត្ថបទ៖ មើលតារាម៉ាឡេស៊ី Selfie ក្នុងថ្ងៃបុណ្យសមុទ្រខ្មែរ

អានអត្ថបទ៖ ស្វា១ក្បាលនេះចេះសំពះសុំប្រាក់រកបានមិនក្រោម១០ម៉ឺនរៀលក្នុង១ថ្ងៃ

អត្ថបទ៖ ខុត សីហា