ប្លែកមែន! កំពូលមហាសេដ្ឋីពាក់នាឡិកាដៃមហាសែនថោក

2014-09-30 22:33:19
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលមហាសេដ្ឋីលុយរាប់ពាន់លានដុល្លារនៅអាមេរិក លោក Bill Gates បានធ្វើឱ្យមហាជននៅជុំវិញរូបលោកមានការភ្ញាក់ផ្អើលយ៉ាងខ្លាំងតាមរយៈការបង្ហាញនាឡិកាដៃតម្លៃត្រឹម១០ដុល្លារ។

នេះជារឿងពិតពិបាកនឹងជឿទាល់តែសោះដែលមហាសេដ្ឋីលុយរាប់លានដុល្លារមកប្រើនាឡិកាដៃមានតម្លៃទាបដល់ថ្នាក់នេះ ប៉ុន្តែរូបលោកផ្ទាល់មិនបង្ហាញម៉ាករបស់វាឡើយ។ Bill Gates បានពាក់នាឡិកាដៃមួយនេះនៅអំឡុងពេលនៃការប្រារព្ធពិធីខួបកំណើតលើកទី៥០ឱ្យភរិយានៅឯប្រទេសអូទ្រីស ស្របពេលការសម្រាកវិស្សមកាលមកដល់ ជាពិសេសកន្លែងដែលរូបលោក និងភរិយាទៅកម្សាន្ត នោះគឺ “Sound of Music” សម្រាប់ការច្រៀងលេងបែបគ្រួសារយ៉ាងសប្បាយរីករាយ។

Bill Gates បានបង្ហាញទស្សនិកជនទូទាំងពិភពលោកនូវនាឡិកាដៃតម្លៃ១០ដុល្លារនេះតាមរយៈកម្មវិធី POLITICO’s Lessons From Leaders ហើយរូបលោកជាភ្ញៀវសំខាន់ជាងគេ។

ជាងនេះទៅទៀត អ្នកឆ្លើយឆ្លងសារព័ត៌មានប្រធានសេតវិមាន លោក Mike Allen ក៏បានច្បិចយកពេលវេលាបន្តិចឱ្យ Bill Gates បង្ហាញការយល់ឃើញទៅលើនាឡិកាដៃឆ្លាតវៃ ដែលអាចថែរក្សាសុខភាពរបស់អ្នកប្រើប្រាស់ប្រចាំថ្ងៃបាន ហើយលោកបាននិយាយថា បច្ចេកវិទ្យារបស់នាឡិកាដៃកាន់តែទំនើប និងមានសមត្ថភាពខ្ពស់ ពោលគឺប្រៀបបាននឹងមានគ្រូពេទ្យផ្ទាល់ខ្លួនអីចឹង៕

ប្រែសម្រួល៖សែម សុធារិទ្ធ ប្រភព៖ politico