ដំណើរកម្សាន្ត Ford Adventure ទៅលេងស្រុកថៃ (វីដេអូ)

2014-12-23 00:12:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន RMA បានរៀបចំដំណើរកម្សាន្តប្រចាំឆ្នាំ Ford Adventure កាលពីចុងសប្ដាហ៍នេះ ដោយបាននាំអតិថិជន Ford ជាង ៣០០ នាក់ ធ្វើដំណើរកម្សាន្តរួមគ្នាទៅលេងតំបន់ទេសចរដ៏មានសក្តានុពលរបស់ប្រទេសថៃរយៈពេល ៣ យប់ ៤។

លោក សេង វឹង នាយកគ្រប់គ្រងផ្នែករថយន្តរបស់ក្រុមហ៊ុន RMA បានឲ្យដឹងថា នេះជាឆ្នាំទី ៨ ហើយ ដែលក្រុមហ៊ុន RMA បានរៀបចំដំណើរកម្សាន្តប្រចាំឆ្នាំរបស់ក្រុមគ្រួសារ Ford នៅកម្ពុជា។

លោកថា សម្រាប់ឆ្នាំនេះ ក្រុមហ៊ុនបានសហការជាមួយភាគីថៃ ដើម្បីនាំអតិថិជនទៅកម្សាន្តតំបន់ទេសចរ ដែលមានសក្តានុពលនិងជាទីចាប់អារម្មណ៍នៅក្នុងខេត្តត្រាត និងច័ន្ទបុរី ដែលមានព្រំប្រទល់ជាប់ខេត្តកោះកុងប្រទេសកម្ពុជា។

ក្នុងដំណើរកម្សាន្តទេសចរប្រចាំឆ្នាំនេះ ក្រុមហ៊ុន Ford ក៏បាននាំអំណោយយកទៅប្រគល់ជូនដល់ពលរដ្ឋក្រីក្រតាមមូលដ្ឋាន ដែលកំពុងជួបប្រទះការខ្វះខាតនៅក្នុងជីវភាពរស់នៅប្រចាំថ្ងៃ ដែលថវិកាបានមកពីការរួមចំណែករបស់អ្នកដែលបានចូលរួមនិងមួយចំណែករបស់ក្រុមហ៊ុនផ្ទាល់។

http://youtu.be/cgKYDvq8bTU

Ford Adventure 2014 បានរៀបចំឡើងចាប់ពីថ្ងៃ ១៨ ដល់ ២១ ខែធ្នូ ដែលមានរយៈពេល ៣ យប់ ៤ ថ្ងៃ និងមានអ្នកចូលរួមជាង ៣០០ នាក់ និងប្រើប្រាស់រថយន្តជាង ៦០ គ្រឿង ។ នេះជាលើកទី ៨ ដែលក្រុមហ៊ុន RMA បានរៀបចំដំណើរកម្សាន្តនេះឡើង ដើម្បីផ្តល់ការកម្សាន្តរីករាយនិងការជួបជុំគ្នារបស់ក្រុមគ្រួសារ Ford នៅកម្ពុជា។

អត្ថបទ៖ ប៊ុណ្ណារ៉ា