ទេព រិនដារ៉ូ ត្រង់ឈុតរំលោភ ចន ច័ន្ទលក្ខិណា ឆ្លៀតឱនខ្សឹបទៀត ខ្សឹបរឿងអី?

2014-12-24 19:31:01
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងរៀមច្បងលោក ទេព រិនដារ៉ូ ដែលជួបបទពិសោធន៍ថ្មី សម្ដែងជាតួអង្គចិត្តអាក្រក់ ចាប់រំលោភស្រីៗ បានឆ្លៀតឱនខ្សឹបអ្នកនាង ចន ច័ន្ទលក្ខិណា ក្នុងពេលសកម្មភាពលោកកំពុងចាប់បង្ខំអ្នកមេម៉ាយរូបនេះក្នុងរឿង "ភ្លើង" របស់ផលិតកម្ម Rock។

លោក ទេព រិនដារ៉ូ ផ្ទុះសំណើចពេលនិយាយរឿងរំលោភអ្នកនាង ចន ច័ន្ទលក្ខិណា

លោក ខ្សឹបថា "អាលក្ខិណា អ្ហែងកុំរើខ្លាំងពេក របូតកន្សែងបងឥឡូវហើយ(សើច)!”។ តារាសម្ដែងជើងចាស់ រូបនេះបង្ខំចិត្តខ្សឹបដូច្នេះ បន្ទាប់ពីអ្នកនាង ចន ច័ន្ទលក្ខិណា ប្រឹងរើម៉ាឈ្នះដៃ ឯលោកមានតែកន្សែងពោះគោ អត់មានខោក្នុងផង។ លោក ថ្លែងទៀតថា នេះជាឈុតដែលលោកជួបការលំបាកបំផុត ក្នុងការសម្ដែងក្នុងរឿង "ភ្លើង" របស់ផលិតកម្ម Rock បើទោះអត្តចរិតជាជនកំណាចក្នុងរឿង ឈ្មោះនាយ "សារ៉ាន់" បានធ្វើឲ្យលោក ជួបបទពិសោធន៍ថ្មីថ្មោងក៏ដោយ។

http://youtu.be/cyGN1p9jwec

ងាកមកអ្នកនាង ចន ច័ន្ទលក្ខិណា ដែលសម្ដែងតួនាង "ស៊ីរ៉ា" ហើយត្រូវលោក ដារ៉ូ ឬនាយ សារ៉ាន់ ចាប់រំលោភ បានប្រាប់ដែរថា បើទោះអ្នកនាង ធ្លាប់បទពិសោធន៍ច្រើនជាមួយឈុតបែបនេះពីមុនមកក្ដី ប៉ុន្តែអ្នកនាង មានអារម្មណ៍ភិតភ័យដែរ ទើបគិតតែពីរើយករួចខ្លួន ម្យ៉ាងក៏ត្រូវធ្វើឲ្យដូចពិតផង។ អ្នកនាង បញ្ជាក់ថា អ្នកនាងផ្ទុះសំណើច ពេលលោក ទេព រិនដារ៉ូ ឲ្យខ្សឹបកុំឲ្យរើ។